السبت، ٢٣ فبراير ٢٠٠٨

المعــاصـي المــزمنــــة


في الطــب هناك سلوك للأمراض المزمنة باختصار هو

Acute attacks on top of chronic

اكيوت = حاد......كرونيك =مزمن

يعني نوبات حادة ...أثناء المرض المزمن..

بمعنى أن الانسان المريض بمرض مزمن..-غالبا- ما تأتيه نوبات من نفس المرض..ولكن نوبات حادة...تؤثر عليه بشدة...

ويمكنك ملاحظة ذلك مع أي مريض بالكبد أو الضغظ أو أي مرض مناعي مزمن..

نسأل الله أن يشفي مرضى المسلمين......

المهم : أثناء هذه النوبة الحادة ...تتأثر صحة الشخص...

وتأتيه التعاليم من الأطباء

بالامتناع عن اللحم مثلا اذا كان مريضا بالكبد ....

او من الملح اذا كان مريضا بالضغط......

طيب أنا عايز أقول إيه..

أقول...

إن الامراض البدنية تشبه الى حد كبير جدا جدا الامراض القلبية المزمنة والمعاصي...

بمعنى...

إن أي إنسان مريض بمرض قلبي معنوي...كالحسد او الحقد...

أو ابتلي بمعصية ...نظر الى النساء..سرقة...عقوق والدين...ترك الصلاة...أي شئ محرم...

هذا الذي ابتلي بمعصية مثلا منذ...5 او 10 او20 او 40 او 50 سنة

وهو قائم على هذه المعصية دهور

هذا الانسان مريض مرض مزمن...وليكن مثلا (النظر الى النسوان-النسوان لغة عربية فصحى)

طيب هذا الآن يريد ان يتعالج من هذا المرض المزمن...

هيبدأ في قايمة ممنوعات...

ممنوع اغاني...

ممنوع افلام...

ممنوع اختلاط...

ممنوع نظر إلى النساء...

ممنوع.... ممنوع...

الحال بالظبط زي الحال في الامراض العضوية

ثم العلاج الحقيقي ....

هناك بالادوية المادية... (طبعا والدعاء(

هنا..

لزوم حلق الذكر...قراءة القرآن... النظر الى ما احله الله..(الزوجة اقصد(....

طيب.....

مشي على العلاج اسبوع اسبوعين واتحسنت حالتــه....

مبقاش يبص ولا لواحدة في الشارع

يجي يلاقي نفسه مرة واحدة..(دا وهو بياخد العلاج)جـ

بدأ ينظر تاني للنسوان...

ويبحلق في اللي رايحة واللي جاية...

وبعدين لما يروح البيت..ويجي معاد الدوا...

يندم ويبكي على حاله.... على نفس النمــط..

وهكذا ... مرتين تلاتة...

وبعدين يبدأ يترك العلاج بالتدريج..

ويقول خلاص..أنا معتش هاخد العلاج...

أنا مفيش مني فايدة..

أنا هافضل ع الوضع ده طول عمري..وعمري ما هاتحسن...

نقول لـــــه..

استنى يا أخانا..أو يا أختنا...

انت لازم تكون فاهم طبيعة المرض اللي انت فيه ده ..

ده مرض مزمن....

النظر ده –مثلا-

مرض مزمن ..توقع في أي وقت إنه يجي لك نوبة حادة ...

فلما تيجي لك النوبة...

لازم تزود قايمة الممنوعات شوية.... وتقرص على نفسك حبتين

متفتكرشي انك عشان بدأت في العلاج يبقى انت خلاص خفيت...

متفتكرشي انك عشان مسكت المصحف يوم ولا اتنين ولا شهر ولا شهرين...

خلاص أصبحـــت مــؤمــن ..إيماناً يصعــب معه أن تحدثك نفســك بالمعصيـــة.....

لأ...الأمر مش كده أبداً...

انت عندك مرض ملازم ليك من سنين ..المرض ده اتأصل في جذور قلبــك...

وأصبح عندك من العادات التي لا تنفك عن طبيعتك...

لازم تكون فاهم كويــس إن اللي انت فيــه ده...

هو نتيجــة لسنين طويلــة من المعصيــة دي

اللي خلاص -تقــريباً- بقت بتكون جزء من شخصيتــك ..حتى لو انت حاولت تنكــر ده

فحقيقة نفســك إن شخصيتك -مازالت- بمــا كانــت عليــه من ذي قبــل ...

وربما منذ بلوغك....

فلازم تتعامل على هذا الاساس...

ولازم تعرف انك مهما أخدت من دوا ومهما حاولت انك تبعد عن مصادر المرض اللي عندك ده...

اوعى تفتكر انك وحدك هتقدر تتخلص منه ....

لا..أبداً والله...

ده انت كل يوم بتقول في اذكار الصباح

(
ياحي يا قيوم برحمتك استغيث)

هي دي...

ربنا –عزوجل- وحده هو اللي يقدر يخلصك ويحميك من النوبات دي...

ده مش انت بس...

لا دا انته واللي احسن منك كمــان .....

نبيك –صلى الله عليه وسلم-

ربنا –عزوجل- قال له :

(
فبما رحمة من الله لنت لهم)

لولا ان ربنا حماك..

(
ولولا أن ثبتناك..)

لولا ان ربنا ثبتك...

عشان كــده أهــل العلــم...يقولوا..لازم كل مسلــم يتعلم الأسمــاء والصفــات..عشان يعرف يدعي ربنــا ازاي....نقصــد يعني .. جانب من التطبيق العملي للعقيدة في باب الأسمــاء والصفـــات)ـ)

ادعي ربنا يخلصك من مرضك المزمن...

وكل واحد فينا عارف ايه المرض المزمن اللي في قلبه...وايه المعصية اللي اتأصلت في قلبه –حتى أصبحت عنده عادة-

يا اخواننا..انا احيانا احب اكتب بالعامية في بعض الامور الدعوية...

لان الكتابة بالفصحى -نعم هي مهمة-

ولكن الهدف منها هو اننا نوصل معلومة....

فيه ناس مش هتفهم مثلاً...

(
إن الذين تولوا منكم يوم التقى الجمعان إنما استزلهم الشيطان ببعض ما كسبوا)

الشيطــان خلاهم يهربــوا من المعركــة ..لأنــه فكــرهم بذنوب هما عملوها...

مع إنهم في وضع جهاد....يعني أعلى حاجة في الدين...(ذروة سنام الإسلام)

الـــ (Top) يعنـــي لكــن يأتي في الوقــت الحــرج ده...والشيطان يفكرهم بذنوبهــم...

فيقولوا زي ما صاحبنــا قال في الحكــايــة دي.....

أتى رجل إلى إبراهيم بن أدهم –رحمه الله-

وقال له (لقد قررت أن لا أتوب بعد اليوم أبدا(

فسأله إبراهيم : (ولم؟

قال له الرجل: (لأنني كلما تبت رجعت إلى الذنبت رجعت إلى الذنب(

فابتسم ابراهيم وقال له: هذا ما يريده منك الشيطان..أن يقنطك من رحمة الله...

فيا أيها المحب لله ولرسوله..ويا أيتها المحبة لله ولرسوله..والكلام لنفسي والله أولا...

لابد من أن تعلم أن الامراض المعنوية..والمعاصي...

شأنها شأن الأمراض العضوية المعنــوية...

تحتاج إلى وقــت للعلاج.....

لازم هتمر في فترة علاجك..بفترات نقــاهــة وفترات ما قبل النقاهة..وفترات يشتــد عليك فيها المــرض...وفترات يضعف حتى تحس بحلاوة لإيمــان والتوبــة والرجوع إلى اللـــه -سبحــانه-.. وفتــرات خمــول تانيــة... عايــز تنام فيهــا
وفتــرات نشاط وحيــويــة في العبــادة....

كل الفتــرات دي لازم أنا وانت هنمــر بيهـــا...

بس صدقنـــي واللــــه....الفترات دي -بالرغم من الصعوبات اللي فيهــا-

إلا أنها أفضل لي ولـــك...من ذل المعصيـــة اللي احنا فيـــه

فاصبر واحتســـب

ومن يتوكل على الله فهــو حسبــه....

يمكنكم أيضا الاستماع إلى هذا الــدرس

هناك ٥٥ تعليقًا:

مشروع انسان يقول...

بحجزززززززز

مهندس مصري بيحب مصر يقول...

حقاً رانت المعصية على قلوبنا و قصرنا في جلائها بالقرآن
فليرحمنا الله برحمته و ليهدنا لذكره و شكره و حسن عبادته

جزاك الله خيراً على التذكير

الطائر الحزين يقول...

قولى ادعى لك بأيه؟؟

خليها بظهر الغيب

ولا تنسانا من صالح دعاءك

بارك الله فيك

رفقة عمر يقول...

ماشاء الله لا قوة الابالله
فعلا كلنا كدة بنرجع لنفس الخطا تانى
ونقول انه مافيش فايدة
خلاص انا هالك
بس رحمه ربنا اكبر من ذنوبنا معهما عظمت
ربنا يعفو عنا ويرحمنا اللهم امين يارب العالمين
جزاك الله خيرا
وجعل كل حرف من مدونتك فى ميزان حسناتك اللهم امين يارب العالمين

فرنسا هانم يقول...

جزاك الله خير على تلك التذكره
وربما تشمل المعصيه ايضا كل انواع المعاصى من السرقه والاختلاس والرشوه والربا وووووووووو
وهذه الامراض ندعوا الله ان يشفينا جميعا منها
ولا يبتلينا بها
ولا نعود الى ما كنا عليه

أبوعمر يقول...

الله ينور عليك..
هو ده الكلام يا أستاذ..وتسلم إيدك..
بالمناسبة .. انت اتخصصت واللا لسة؟

بارك الله فيك ونفعنا بك وأنار بصيرتك
تحياتي

عاشــــــ النقاب ـقــــة"نونو" يقول...

كلام حضرتك برضه يمشي على كافة اشكال المعاصي ربنا يعافيناوةاياك
الطريقة اللي حضرتك عرضت بيها دي رائعة فعلا ومبسطة
متالق دائما يا ضاكتور خالد
انما حضرتك فتحت عيادة ولا لسة وتخصصك ايه
جزيت الخير كله
امين

حائر في دنيا الله يقول...

جزاك الله كل خير
كلامك لا يحتاج لتعليق
وإنما لتطبيق عملي لشخص مثلي أرهقته الذنوب والمعاصي وأرهق التوبة معه
ربنا يتوب علينا جميعاً ويثبتنا على دينه حقاً

لك تحياتي
السلام عليكم

بنت الصالحين يقول...

ماشاء الله
ربنا يبارك فيك ويباركلك

قلتها لحضرتك قبل كده
وبقولها تاني
دايما مواضيع حضرتك بتشعرني بالسعاده وبالراحه النفسيه
واحمد الله ان استخدمك وغيرك من المدونين المحترمين لنصره هذا الدين

ربنا يباركلكويجعلك من الراضين المرضييين اللهم امين

عصفور المدينة يقول...

ولازم متابعة مع الدكتور كمان

أمـ الله ـة يقول...

ما شاء الله

عندما قرأت مقالك الرائع

تفحصت نفسى لأرى ما بى من أمراض مزمنة

ومن هنا أقول كن طبيب نفسك
فليس الطبيب إلا طبيب لنفسه

أسأل الله السلامة والعافية

اللهم عافنا فى انفسنا وعافنا فى ابداننا

Call for coexistence يقول...

جزاكم الله خيرا
وربنا يجعله فى ميزان حسنات حضرتك
تذكره طيبه

المهـ إلي الله ـاجر يقول...

قال النبي صلي الله عليه وسلم :ما من عبد مؤمن إلا و له ذنب يعتاده الفينة بعد الفينة أو ذنب هو مقيم عليه لا يفارقه حتى يفارق الدنيا إن المؤمن خلق مفتنا توابا نسيا إذا ذكر ذكر . ‌

دكتور بيطرى يقول...

جزاك الله خيرا على هذه التذكرة ونسأل الله عز وجل ان نكون من التوابين وان نكون من المتطهرين.
وكما قال العصفور بأنه من المفروض المتابعة مع الطبيب فعليه أيضا مجالسة الأسوياء الصالحين وحضور مجالس العلم لأن العلم يشفى ويضىءالبصيرة والعلم نور ونور الله لا يهدى لعاصى بكسر الياء.

مشروع انسان يقول...

معلش حجزت ونسيت اعلق
:)
جزيت خيرا اخى
فعلا مشكلة الذنوب المزمنة دى

ربنا يتوب علينا جميعا
ويطهر قلبونا من كا ما دونه
ومن كل ما لا يرضيه

يوجعل قلوبنا صافية طاهرة نقية
والا ننشغل الا بما يرضيه

Mutati0N يقول...
أزال المؤلف هذا التعليق.
غير معرف يقول...

شكــرا جزيــلا لك يا دكتور خالد , التدوينه دي جميله جدا فعـلا وزيي ما انت قولت الواحد لازم بيعدي عليه فترات ضعف وفترات قوه ,ولازم نبقي اقويه في فترات الضعف وان شاء الله نقدر نتخلص من اي داء في انفسنــا
جـزاك الله كل خير

Unknown يقول...

اخي وحبيبي
ربنا يبارك فيك
فعلا يااخي الواحد يصبر علي النفس ويجاهدها ويستعين بالله افضل من السقوط في ذل المعصيه والضلال والبعد عن طريق الله عزوجل
ولان نستغفر ونعود الي الله خير من ان نبتعد عن طريقه
اللهم اشفي امراض قلوبنا وعافنا واعفوا عنا
وجزاكم الله خير

د/اجدع بنوته يقول...

ماشاء الله عليك

اعز الله الاسلام بيك وبأمثالك

بدايه واستهلال واسلوب عرض وطريقة دعوه

م الاخر بوست ولاروع

كلامك بلسم فعلا

ويهدى اى حد يكون لا قدر الله مريض بمرض م دول

ويقدره انه يتعالج منه كمان

ربنا يكتر م امثالك يارب

وبأمانه يبارك فيك ويجازيك خير بكل حرف

تكتبه ف الدعوه للخير

وصدق م قال ..

بالموعظة الحسنه

تحياتى

آفاق الحرية يقول...

دكتور خالد
جزاكم الله خيرا
ودعواتك

انا من اهوى ومن اهوى انا يقول...

د/ خالد

جزاك الله خيرا

تذكير فى وقته و ربنا يعافينا جميعا

Unknown يقول...

ياسلام يا دكتور
فكرتني بالرمد
أنا مش ها علق ورايح اذاكر بقى
:)
بش بجد فكره رائعه تحويل السلبيات الى امراض
تستحق العلاج
وتبرأ بالعلاج
تحياتي

ammola يقول...

فتح الله علينا كما فتح عليك
فعلا ..فترة النقاهة مهمة زى فترة العلاج

آخر العنقود يقول...

ماشاء الله
جزاكم الله خيرا على التذكرة الطيبة
وكلامك كله فعلا مظبوط
وبنشوفه ونسمعه كتير
وساعات من نفسنا كمان
ربنا يكرمك يادكتور
ونفعنا واياك بما علمنا
واعاننا على أنفسنا
اللهم آمين

تحياتى ليك

عاشقة الوطن يقول...

السلام عليكم

ازيك يادكتور
موضوعك جميل جدا جدا وانك تبعد عن اى حاجة تغضب ربنا ده اكيد اهم وافضل شئ وان احنا نعالجها ده اجمل

بس فيه حاجة عاوزة أعدلها فى طريقة العلاج بعد إذنك يعنى
الواحد لما بيكون مريض مرض مزمن او مدمن مثلا لشئ معين
لما الواحد بيجى يتعالج بيتعالج بترك الشئ بالتدريج وليس منعه مرة واتحدة وانتدكتور وعارف كده كويس
عارف ان الواحد لا بيسيب حاجة فجأة هيرجع لها اكتر من الاول
يبقي لازم ناخد الموضوع تدريجى
واحدة واحدة يعنى

ربنا يكرمك ويباركلك ويبارك لكل شباب وبنات المسلمين

وربنا يهدى الجميع ان شاء الله

تحياتى ليك

دكتور بيطرى يقول...

أخى الكريم لقد عملت مدونة جديدة بإسم "الدعوة إلى الله فن وذوق" تتكلم عن فن الحوار ووسائل الإتصال , فأكون سعيدا بمشاركتك وتعليقك وجزاك الله خيرا

مهندس مسلم يقول...

بارك الله فيك وجزاك خير الجزاء على هذا الطرح الجميل الذي يحمل البشرى لاصحاب الامراض المزمنه
جميل ان تعرف ان مرضك المزمن علاج متاح وفي متناول يدك وبقدر اصرارك على الشفاء تكون النتائج

موناليزا يقول...

عجبنى طرحك للموضوع بالطريقة دى وبجد تشبيه فى محله
ربنا يكرمك
بس ممكن سؤال لو فيها غلاسة ليه كاتب ضاكتور بالضاد مش بالدال

Dr.khaled يقول...

حجزت يا سيد /امام :)

وعدت بعد 36 ساعة !!!!
انت بتحجز تذكرة مكيف؟؟

Dr.khaled يقول...

وجزاك خيرا مثله يا باشمهندس

ونسأل الله التوفيق لكل المسلمين

Dr.khaled يقول...

ولك بمثل يا طائرنا الحزين


ٍأسعدك الله في الدنيا وفي الآخرة..
ولا تنسانا من صالح دعاءك

Dr.khaled يقول...

واياك يا استاذة رفقة

Dr.khaled يقول...

واياك يا استاذة فرنسا...

وانا ما ذكرت النظر..
الا انه لان الاغلب مبتلى به..الا من رحم الله..
نسأل الله ان يرحمنا ويشفينا

Dr.khaled يقول...

وينور عليك يا د.محمد

ان شاء الله التخصص عما قريب
...وغالبــة جراحة...
عااااااو :)

نسأل الله أن يجزيك خيرا

Dr.khaled يقول...

استاذة nonoymm
جزاك الله خيرا..
العيادة والتخصص لسه ...

Dr.khaled يقول...

أخي الحائر..

جزاك الله كل خير مثله...
والبوست لي -والله- قبل الكل..
أسأل الله أن يشفينا جميعا


لك تحياتي
السلام عليكم
وشرفت بمروركم الطيب

Dr.khaled يقول...

الاستاذة عاشقة الفردوس...

نسأل الله ان يصلح اعمالنا واقوالنا
.....
ولك بمثل ما دعوت

Dr.khaled يقول...

صحيح يا باشمهندس....

لازم متابعة مع الدكتور...
فهل تعرف لي من يرشدني إلى علاج ما انا فيــه ؟؟؟

Dr.khaled يقول...

كلامك طيب يا استاذة امة الله...

والانسان لابد ان يتولى امر نفسه..
ويتدبر احواله...
مستشيرا من هم اكبر منه علما ودينا...

Dr.khaled يقول...

الاستاذة
call for coexistence

ولك بمثل

Dr.khaled يقول...

أخي..احمد المهاجر الى الله
حديث سطرين..افضل من موضوعي كله..ويلخصه...
سبحان الله على بلاغة النبي-ص-
وصلى الله عليه وسلم

لكن حبذا لو أتحفتنا ببيان درجته في نهايته..
حتى لا يبحث الاخوة كثيرا عنه :)

خلليني أقوم به بدلا منك -احنا واحد - :)
صححه الالباني في السلسلة الصحيحة وفي (صحيح وضعيف الجامع الصغير)

Dr.khaled يقول...

أخي الدكتور...
وجزاك خيرا مثله...

وكما اردفت -مشكوراً- ....
مجالسة الصالحين..
وحقا اخي الحبيب...
الواحد بعد مجالسة الصالحين يخرج بقلب غير ذا الذي دخل به...

نسأل الله القبول لنا جميعاً

Dr.khaled يقول...

متبقاش تنسى تاني يا سيد/ امام

لما انته تنسى...امال الجيل اللي انت امامه يعمل ايه بقى؟؟

فمن للأمة الغرقى إذا كنا الغريقينــا :)

Dr.khaled يقول...

شرفتنا يا استاذ طفرة :)
ولا تكون هذه آخر زيارة منك لنا

وما أسرنا
هو دعاءك لنا..
وأقول لك..
ولك بمثل يا استاذ

Dr.khaled يقول...

الجعفري الفاتح...

اضافة بسيطة

روى الامام احمد في المسند وصححه اتلالباني ان النبي-ص- قال:

(اللـــــه الطبيــــب)

لو الناس تعي هذه الكلمة
وتدعو الله-عزوجل- باسمائه وصفاته...

ومن به مرض قلبي يدعو الله باسمه الشافي ان يشفيه من هذا المرض
........لان المعصية فعلا مرض
نسألأ الله اشلفاء للجميع

Dr.khaled يقول...

د/اجدع بنوتة

ولك بمثل
ونسأل الله الصلاح وخلوص النية في الاقوال والافعال

Dr.khaled يقول...

رزقك الله الجنة يا
آفاق الحريــــة

Dr.khaled يقول...

الصديق القديــم
أوي أوي...محمد فوزي...

ما يسرنا انك بتعدي علينا كل ست شهور...

المهم انك تعدي وخلاص :)

Dr.khaled يقول...

انا انسان...
لقد جعلت تتذكر ما لا احب انا ان اتذكره...
اف ثم اف ... :)
للرمـــد ....

باكرهها...
ربنا يعينك يا عم الشيخ....

انت بتذاكرها من مين؟؟
اوعى تغلط غلطتي وتذاكر من الرفاعي :)

أحسن تكون فيها من الــ (مقبـوليــن)

:(

Dr.khaled يقول...

استاذة ammola

نسألأ الله ان يتقبل دعاءكم

Dr.khaled يقول...

ويكرمك يا استاذة/اخر العنقود...

ولك بمثل..
وشكرا لدعاءكم

Dr.khaled يقول...

اضافتك طيبة..يا استاذة عاشقة الوطن...

ولعله قد نقصني ان اعرج عليها في الموضوع

فيه فعلا معاصي نحتاج لتركها بالتدريج...زي ادمان المخدرات مثلا
ولكن فيه معاصي ..لابد من تركها في الحال... (بدون تدرج)
كترك الصلاة وكالنظر ووغير ذلك

--------
وكما قالوا ( ما نما سريعا...مات سريعا)
او شيئا من ذلك قريب

Dr.khaled يقول...

باذن الله يا دكتور
اكون متواجد عندكم دائم...
وساضيفها الى الار اس اس
باذن الله

اطلعت سريعا على اول موضوع وعلى تعليقات الاخوة والاخوات

ولكن ما استطعت التعليق وقتئذ

........
جعلها الله في ميزان حسناتك

Dr.khaled يقول...

:)
زدت المدونة بهاءا يا باشمهندس بزيارتكم الكريمة...

واضافتكم الماتعة (على قصرها)
فخيره...ما قل ودل

Dr.khaled يقول...

استاذة monaliza

غفر الله لنا جميعا....

هنا -ان شاء الله-
جواب ما عنــه سألتــــي...


http://muslimdoctor.blogspot.com/2007/11/blog-post_27.html