الأحد، ٣٠ ديسمبر ٢٠٠٧

أخبار في مقالات

هم الملتزمين متخلفين؟؟؟
سؤال يطرح نفسه دائما على عقول...المتطرفين فكريا....
ربما يجدون هنا له إجابة
ونحن هنا نتوجه لإخواننا مشتركي موبينيل..أن يقوموا بتغيير خطوطهم إلى أي شبكة أخرى..وذلك بعد ان يتصلوا على خدمة عملاء موبينيل ويبلغونهم استياءهم
حمـــــاس بين المطرقة والسندان...مقال من مجلة البيان
الظاهر المهندسين....هيقطعوا علينا كمان...
.............
كان معكـــــم...خالد أخــو العافيــــة...

هناك ٢٢ تعليقًا:

عصفور المدينة يقول...

جزاك الله خيرا وانت عارف طبعا إن المهندسين هما اللي مشغلين الدكاترة

رفقة عمر يقول...

جميل وكاله الانباء فكرة حلوة
اصل احيانا الواحد بيكسل يلف على المواقع ليتعرف على المواقع
يارب نشوفها كدة زى لجزيرة وسى ان ان

أبو عمر - الصارم الحاسم يقول...

هيع هيع هيع

المهندزين هيجطعوا الكل تجطيع بأمر الله


معاكم
هريدي ابوالعافية

***************


دكتور انا سبت لك التعليق ده في موضوع بوتو

*************************

???????????

يا دكتور انت شككتني في نفسي


انا قلت بالنص

<<

هو فعلا الله اهلك الظالمين بالظالمين ..ولا اظن ابدا انه كان من اولويات الاسلاميين الآن بوتو

لا ارها الا شماعة يعلق عليها الآن كل ذو اغتيال اغتياله

>>

فين الجزم بأن الاسلاميين من فعلوها

انا على العكس تماما

رفقة عمر يقول...

على الاخبار مش يتعرف على المواقع غلطه من الكيبورد مش منى عذرا

صيد الخاطر يقول...

أخي خالد موضوعك جميل وطريف
وقد تنكرالعين طعم الماء من رمد
وينكر الفم ضوء الشمس من سقم

وربنا يسهل

بنت الصالحين يقول...

ايه ده حلو كده جدا علشان الواحد يعرف الاخبار بدل مالواحد مش متابع حاجه

جزاك الله خيرا يادكتور وربنا يزيدك علم وينفع بك

AHMED SAMIR يقول...

موضوع مصطفى بكري دة بيدخل ضمن المواقف والطرائف
يعني هو كدة بيعاقب ساويرس؟
وايه اللي عمله ساويرس علشان يتعاقب يعني؟
قال رايه في الحجاب؟
ورأيه دة عمل ايه؟
قلل عدد المحجبات في الشارع..ولا المحجبات قلعوا الحجاب علشان رأيه؟
حاجة غريبة جدا
مانتعود بقى على الرأي والرأي الاخر
وسماع الرأي المخالف لك..ومواجهته بالرأي برضة
تحياتي

المهـ إلي الله ـاجر يقول...

جميل فعلاً الفقرة الأخبارية من قناة مصر المأروصة دي (:


بس مهما عملت يا دكتور .. الملتزمين برضه متخلفين عندهم (:

ammola يقول...

هو الاشتراك شهرى واللا سنوى؟
صورة التمساح مفزعة بجد

محمد عبد الغفار يقول...

انت القصير عندك طويل

والى الساده المهندسين والدكاتره احب اقلكم ان الأدارى فوق الكل

تقعدوا بالعافيه

نقطة مية يقول...

اولا اشكر زيارتك جدا شرفتني..و كل عام و انت طيب..و ان شاء الله العام الجديد يبقى خير و سعادة عليك و على الامة الاسلامية

Dr.khaled يقول...

واياكم يا باشمهندس
...
جبت منين انكوا اللي مشغليننا؟؟؟
:(
هاتوا برهانكم..

Dr.khaled يقول...

الامر ليس وكالة بالمعنى المفهوم..
بقدر ما هو تغيير وتنويع في عرض الموضوعات الهامة

Dr.khaled يقول...

:)
أعصابك يا الصارم
انت هتقطعني ....
على فكرة يا حاسم...
برضة تعليقك بعد التعديل..تحس انه فيه تحامل...
يعني اقصد العبارة نفسها بتوحي بكلام تاني غير المقصود...
على كل..الدكاترة هيجطعوا...
وان غدا لناظره قريب

Dr.khaled يقول...

رغم المخاطر صيد الخاطر :)

أنا مش عارف انته تقصد ببيت الشعر ده أنهي موضوع؟؟؟

Dr.khaled يقول...

محبة الفردوس...
واياكم

Dr.khaled يقول...

:)
والله يا أستاذ أحمد...
أنا ليا اعتراضات على تعليقك..
رغم ان الموضوعات المطروحة في مدونتك موضوعات فيها ذكاء...
منها موضوع المسلمين والنصثارى والمشكلة اللي حصلت بينهم..
معلش خليني اعلق هنا...
طيب جدا انك مؤمن -وانا معاك- بحتة فشل نظرية المؤامرة في كل مشكلة بين المسلمين والنصارى...
انا مش عارف ليه الناس اللي فوق مش عايزة تصحصح شوية وتعرف ان فيه احتقان شديد جدا في الشارع المصري...بسبب التصرفات المتطرفة...
زي مثلا مسرحية اسكندرية اللي سب فيها النصارى النبي-ص-..ومنا شابه...
نفسي اقول لهم..امنعوا التطرف والسب والبلاوي دي ...
ما علينا نكمل موضوعنا
----------

يا أخي بالنسبة للاستاذ مصطفى بكري...
انا مش باعرض كلامه قرآن منزل....
لأني أساسا ليا ملاحظات على جريدة الاسبوع...
ده حتى النائب طلعت السادات..قال اول امبارح لعمرو أديب -على ما اذكر-...
ان مصطفى بكري بيصدر مجلة في نيوجيرسي بتحارب الاسلام.... وقال انا على الهوا اهه واتحدى....
والله كنت اتمنى يبقى الكلام غير صحيح..
لكن على العموم ربنا يثبتنا في زمن الفتن0.....
أما يا أخي الحبيب ان ساويرس يقول رأيه في الحجاب...
فكان لازم قبل ما يتبدي رأيه..يعرف انه في بلد اسلامية...
وان الغالبية الكاسحة...حوالي 65 او 64 مليون مسلم فيها...فكان لازم يحترم نفسه..
ولا يصح له اصلا انه يتكلم عن الاسلام...
ولا هو فاكر انه بفلوسه يقدر يشترينا؟؟؟

يا استاذ احمد....متزعلشي مني...
انت كنت المفروض تأمن على مقاطعته....
أقول لحضرتك ليه؟؟
لأن البيه قال انه هيعمل قناتين جداد (نو كت) لمحاربة ما أسماه القنوات المتطرفة...
يعني باختصار عايز يزيد من سخط الشباب وضياعهم..ومحاولة تأًيل الزنا في صفوف المسلمين...
انت يا أخي...انتقدت في مقال ليك على مدونتك...ان تامر أمين ...استضافة ممثلة بشورت في البرنامج بتاعه...
فما بالك بقه بواحد عايز يعرض قنوات نو كت...وع الهواء مباشرة؟؟؟

أخيرا يا أٍتاذ أحمد..انا متعود على سماع الرأي الأخر..وعلى استعداد لمواجهته..مستعينا بالله...ليس علما من عندي...
ولكن ما بالك اذا كان الطرف الاخر اساسا يرفض الحوار..واساسا فاكر انك اقل منه..
ليه؟؟
لانه معاه كام مليار...

لو أنا أخطأت في الكلام هنا....
تفضل بعرض رأيك :)
ولا تنسانا من دعاءك

Dr.khaled يقول...

فاتني شعار المأروصة يا المهاجر...

لكن على كل...
ملحوقة ان شاء الله :)

هيييه
الله يرحم لسان حالي...
وعصفور المدينة-قطاع الأخبار....

Dr.khaled يقول...

حقا صورة التمساح مفزعة..ونسأل الله أن يرسل على أعداء المسلمين جنودا من جنوده..يزلزل بها أركانهم ويفتت بها دولتهم...

Dr.khaled يقول...

الرد البتار...على الأستاذ محمد عبد الغفار..

أولاً...قول الاخ محمد ان القصير عندنا طويل...هذا مما لا بأٍ به..وهو مما رجحه جمع من أهل التدوين بعد تحقيق للدليل في مناطه...وبعد استيفاء الشروط وانتفاء الموانع المانعة من قصر المواضيع ....

ثانياً: ذكر الأخ محمد عبد الغفار..أن الاداري فوق المهندسين والدكاترة...
ونحن هنا نقول...ان كلامه منقوض من وجهين
أحدهما : أنه ان كان يقصد الفوقية المكانية فانه لا فضل لاحد على احد الا بالتقوى والعمل الصالح...
أما إن كان يقصد الفوقية المادية..فهو هنا محق ونعلن انه وافق فيه الرأي الراجح...والواقع المشاهد...
وثانيهما: أنه ليس من ذنب الطبيب أو المهندس أن راتبه قليل ..أو أنه غير مستقر -غالباً- ..إنما الحجة والذنب يقع على أعتاق القائمين على الاداريين الخاصين بإعطاء الرواتب للصنفين المذكورين من موظفي الدولة....

وأخيراً...ينهي كلامه بتثبيط إخوانه المجاهدين من الدكاترة والمهندسين بقوله...(تقعدوا بالعافية)

ولنا هنا وقفة....
نسأل فيها الأستاذ عن الرفق بين قعد وجلس....
والفرق بين العافية...والصحة....

انتهى الجزء الثاني من الرد...
والحمد لله رب العالمين :)

Dr.khaled يقول...

أخي نقطة ميه..
علام تشكرني؟؟؟
أنا أٍتفيد من زيارة المدونات الاخرى ومن تعليقات الاخوة والاخوات القراء...
اكثر ما اكتب...
على كل جزاك الله خيرا

الطائر الحزين يقول...

تعرف ان الاسم الاكثرة شعبية بعد مايكل فى بريطانيا هو محمد


بارك الله فيك