الخميس، ٢٢ مارس ٢٠٠٧

رد قاسِ على وائل عباس ..صاحب مدونة الواعي المصري

الحمد لله والصلاة والسلام على سيدنا محمد-صلى
الله عليه وسلم-

في الحقيقة يا اخواننا انا لا احب الكلام
على الاشخاص ..وحينما اتوجه للنقد فنني اتوجه لنقد الفكرة او المبدأ ولا اتعرض
للشخص..
ولكن الحال هنا مختلف...فحيث
ان وائل عباس انسان قد فُتِنَ به كثير من الشباب والفتيات المدونين على شبكة
الانترنت ..واختارته البي بي سي -ولا اعرف على اي اساس اخترارته- كشخصية مهمة في
العام- وربما من له عقل ويقرأ مقالتي هذه يعرف لماذا مجدته البي بي سي-

وبداية انا كتبت الرد ده في موضوعه بعنوان
(ميت صورة وصورة من تركيا)
ولكن حتى الان موضوعي لم ينشر وانا امهلته
اقل من يوم ولو ملاقيتش ردي اتوافق عليه هاضطر انشر المقال في مدونتي وفي ملتقى
المدونين العرب ..طبعا لان مدونة سيادته مملوءة بالسب والشتايم للسلف
وللشيخ محمد بن عبد الوهاب ...
وطالما ان ردي لم ينشر فانني اضطر لنشره
كما عاهدت الله -عزوجل- على ذلك وسأبين في مقالي هذا الجهل العميق الذي يتملك وائل
عباس بداية من كلامه عن الدين وعن السلفية -او كما يسميها الجهال - ب (الوهابية)
مرورا بــ ضعفه التام في اللغة العربية وقواعدها انتهاءا باخلاقياته التي هي
اخلاقيات البارات والخمارات وبيوت الدعارة وهذا هو الرد اللي كتبته

بص يا سيد وائل عباس ياللي سيادتك رئيس تحرير لجريدة اسمها
الواعي المصري –في الحقيقة علشان يبقى فيه رئاسة تحرير
لازم يكون فيه محررين صحفيين ونائب رئيس تحرير وكلام من ده علشان نقدر نقول رئيس
تحرير – حقيقة انا مش شايف ان دي جريدة ابدا…دي مجرد مدونة عادية زي مدونتي وزي
مدونة اي حد والا ايه يا رئيس تحرير جريدة محدش بيكتب فيها الا انت وبس؟؟ ..ده اول
تناقض من تناقضاتك يا استاذ وائل

المهم انا حقيقة مش بحب ادخل الا على مدونات طيبة..لكن قلت اقرا مدونتك دي –رغم اني
معرض عنها وعن امثالها من مدونات علاء وكريم ومنال وباقي الناس دي- من باب ( يا
أيها الذين ءامنوا عليكم أنفسكم لا يضركم من ضل اذا اهتديتم)
المهم خلليني بس اعلق على موضوعك الرائع اللي شايل تناقضات تنم عن ان سياد تكم
مبتقرأش كويس او بتقرأ معلومات مغلوطة
نجيب موضوعك من الاول علشان لو فيه ناس اتفتنت بكلامك نبيبن لهم (معذرة الى ربكم
ولعلهم يتقون)
حضرتك كتبت في بداية الموضوع : (كان
فيه شباب)
......نسيت
اقولك انو من باب الامانة كنت المفروض تكتب شباب وبنات –علشان الاختلاط يبقى باين
من اولها للي هيقرا موضوعك-
المهم ..سيادتك بتقول انك بتؤيد قيام دولة اسلامية ..ودي
حاجة حلوة وكويسة- لكن سيادتك يا رئيس التحرير شايف انو مفيش ولا واحدة من التيارات
الدينية تصلح للموضوع ده الان... انا معاك ان الاسلام مفيهوش حزبية خالص وان أي
جماعة من الموجودة الان –اقصد الجماعات الحزبية- تقدر تعمل دولة اسلامية ..عارف ليه؟؟
ببساطة شديدة لان الشعب ..ميعرفشي يعني ايه
عقيدة..وميعرفشي يعني ايه اهل السنة والجماعة..وانت
من ضمن الشعب ده

المهم..يا استاذ وائل..اقول لسيادتك ان حضرتك لازم تدرس جزء مهم جدا اسمه(
الكتابة الصحفية ووحدة الموضوع
)..وده
موضوع صغير يدرس لطالب الثانوية في الازهر
..ذلك لان سيادتك قلت العبارة دي
وده لأن نماذج المسلمين ذوي الفكر المستنير ماتت زي الإمام
محمد عبده والأفغاني ورفاعة الطهطاوي واصبح شيوخنا من المؤلفة قلوبهم باموال آل
سعود والبترودولار وحتى الإخوان المسلمين أصبحوا يبتعدون أكثر فاكثر عن الوسطية
والصوفية - وان كنت انا ضد الطرق الصوفية تماما - التي كانت تميز الإسلام في مصر
حيث أن حسن البنا نفسه في مذكراته يتحدث عن شد الرحال إلى أضرحة اولياء الله
الصالحين وخاصة الدسوقي وأصبح الإخوان يميلون أكثر نحو إسلام الخليج السلفي الوهابي
ويدافعون عن إبن تيمية ويتبنون الفكر الحنبلي بدلا من الحنفي

انا فاهم اني دي مقدمة..بس بصراحة المقدمة بتاعت سيادنك مفيهاش وحدة موضوع..هشرح لك
يعني ايه
انت في الجزئية دي عللت وجهة نظرك انك مش شايف ولا جماعة من الجماعات دي تقدر تعمل
دولة اسلامية
فمقتضى كلامك هو :
انا لا ارى ان هذه الجماعات تستيطع القيام بدولة اسلامية
للاسباب الاتية

ان نماذج الفكر المستنير ماتوا
ان شيوخك
–زي مبتقول- اصبحوا من المؤلفة قلوبهم على
امول ال سعود
–مع ان المفروض تفصل في دي متعممشي كل المشايخ والعلماء يا بيه
ان الاخوان المسلمين ابتعدوا كثير عن الوسطية والصوفية
وبعدين انت قلت انك ضد الصوفية
طب ازاي يا راجل بتقول ان بسبب ابتعاد الاخوان عن الصوفية احنا مش هنقدر نقيم دولة
وفي نفس الوقت بتقول انك بتعارض الصوفية؟؟؟ ... مقتضى كلامك يا استاذ وائل ان الطرق
لصوفية هي الحل.. مش ده تناقض يا رئيس التحرير ولا ايه؟؟؟!!!!
نكمل بس .....
وبعدين بتكمل بقية
الاسباب وتقول
وأصبح الإخوان يميلون أكثر نحو إسلام الخليج السلفي الوهابي
ويدافعون عن إبن تيمية ويتبنون الفكر الحنبلي بدلا من الحنفي
بصراحة انا لما قرات النقطة دي قعدت اضحك لعدة اسباب
اولها ان التناقض في كلمتك دي رهييييييييييييب جدا
لانك من كام سطر بس كنت بتقول ان مصر مش هتقدر تعمل دولة اسلامية الا زي كذا وكذا
وذكرت مثال من الامثلة دي وهي السعودية
يعني اذا انت مقتنع بما في السعودية او على الاقل بمعظمه
طيب ليه يا استاذ جبت في النقطة الاخيرة دي وناقضت نفسك؟؟؟ مع العلم بان السعودية
من دول الخليج العربي؟؟؟ عجبي...!!!!
وبعدين يبدو ان سيادتك جاهل بشوية امور منها
ان الاخوان –معظمهم- لا يؤيدون السلفية....يعني انت
بتكتب اي حاجة وخلاص
ثانيا ان سيادتك بتقول الوهابي السلفي..وكانها تهمة
انا –وبصفتي ازهري- قضيت 17 سنة في الازهر الشريف باقولك يا استاذ وائل اتفضل اقرا
كويس عن الوهابية والسلفية واعرف معنى الوهابية ايه ومنعى السلفية ايه وبعدين اتكلم
..
ثم انه كما يقال في اللغة العربية وبالاخص في درس في مادة الصرف اسمه (النسب) -معلشي مضطر اشرح لسيادتك وأمري
إلى الله...يمكن تتعلم حاجة تنفعك :
لا يجوز لك ان تنسب قوما الى
اسم من اسماء الله -عزوجل- على سبيل الانتقاص


انا عارف ان الكلام ده كبير
عليك بس هاشرح لك


مينفعشي مثلا انه يبقى فيه
جماعة منحرفة ..وشيخهم مثلا اسمه عبد الرحمن ونسمي هؤلاء القوم ب (الرحمانيين)
لانك في الحقيقة منسبتهمشي الى عبد الرحمن انما وصفتهم لـ
(الرحمن)
وده طبعا لا يصح على سبيل الانتقاص..كذلك قيس
(الوهابيين) على رأيك اذا كان سيادة العالم الكبير
وائل عباس يرى الوهابية بلاء......

ثم ان سيادتك بتطعن في شيخ الاسلام ابن تيمية وفي المذهب الحنبلي –ضمنا-
ومتعرفشي يا استاذ يا مسلم ان شيخ الاسلام وقبله الامام احمد ..كل هؤلاء كانوا على
منهج السلف –طبعا انت مش عارف يعني ايه السلف- ما علينا
ثانيا احب اوضح لحضرتك
ان السلفية هي منهج الحياة لامة الاسلام –يعني ايه؟؟- يعني النبي –ص- قال : عليكم
بسنتي وسنة الخلفاء الراشدين المهديين من بعدي عضوا عليه بالنواجذ
........الثلاثة قرون الاولى هم اللي يؤخذ بحجيتهم في
الاسلام –يارب تكون فاهمني -
ثانيا اذا عرفت الاصل ده..لازم تعرف ان السلفية مش جماعة ..السلفية
هي منهج حياة.
..وهي الاسلام نفسه الصحيح المستقى من الكتاب والسنة بفهم
السلف الصالح ....واحب انبهك انك تقرا كتاب (ملامح
رئيسية للمنهج السلفي) للدكتور علاء بكر..واتفضل ادخل على الموقع ده علشان تعرف
يعني ايه وهابية
http://www.wahabih.com/
واتفضل الصفحة دي فيها كلام العلماء عن شيخ الاسلام محمد بن عبد الوهاب
http://www.wahabih.com/m.htm فيها كلام للعلماء زي الشيخ القرضاوي والطنطاوي
وغيرهم
وده راي الشيخ محمد عبده –رحمه الله – في الشيخ محمد بن عبد الوهاب
رأى الأستاذ الأمام محمد عبده...االلي انت قايل عليه مستنير من
شوية...

يقول الشيخ حافظ وهبة في كتابه ((
50عام في جزيرة العرب ))
. وهو يتحدث عن طلبة العلم
في الأزهر
أنه سمع الأستاذ الإمام محمد عبده مفتي مصر
يثني في دروسه بالأزهر على الشيخ محمد عبد الوهاب ، ويلقبه بالمصلح العظيم ، ويلقي
تبعة وقف دعوته الإصلاحية على الأتراك وعلى محمد علي الألباني لجهلهم ومسايرتهم
لعلماء عصرهم ممن ساروا على سنة من سبقهم من مؤيدي البدع والخرافات ومجافاة حقائق
الإسلام .

فياريت تقرا كويس يا استاذ يا مستنير ..واهه من كلام الشيخ محمد عبده –نفسه- اللي
انت استشهدت بيه من شوية
واكمالا للموضوع بنقول ان السائرين على منهج السلف هم الائمة الاربعة والسفيانين
والحمادين –طبعا انت مش عارف مين دول ومش هقولك - وابن تيمية وابن القيم و غيرهم
وفي عصرنا ابن باز والألباني والعثيمين والفوزان والشيخ محمد حسنين مخلوف والشيخ
جاد الحق على جاد الحق والشيخ الحويني والشيخ محمد حسان والشيخ محمد حسين يعقوب
والشيخ مصطفى العدوي ومحمود المصري والشيخ القرضاوي والشيخ وجدي غنيم وغيرهم
كثيروووووووون ..
ولا دول كل دول غلط وسيادتك اللي صح؟؟؟
عجبي.......!!!!!!!
خلليني بس اكمل
طبعا سيادتك شايف ان الاسلام في تركيا احسن من الاسلام في
مصر

بصراحة جملتك دي ...مضحكة جدا..عارف ليه يا استاذ
لان الاسلام واحد...في تركيا وفي مصر وفي امريكا وفي كل
مكان –لو كنت بتتكلم عن النصرانية كنت اقولك ماشي النصرانية كل قوم لديهم دين- انما
الاسلام حاجة واحدة مبيختلفشي في أي مكان عن التاني..الاسلام كل لا يختلف مهما مرت السنون..انما الذي يختلف هم المسلمون
اما اعلمك بس..لما تيجي تقول عبارة زيها وتعبر عن وجهة نظرك تقول : (المسلمين في
تركيا احسن من المسلمين في مصر) يا.........رئيس التحرير
طبعا الاسلام اللي هناك عجبك لانك حبيت الانفلاتية –اللي انت بتسميها الحرية- هناك
يعني اللي بيبوس صاحبته يبوس عادي....
-ضحكة ساخرة-
هو ده بقى الاسلام المستنير اللي عاجبك ..ده
اسمه دعارة يا مسلم..ومجاهرة بالفاحشة
طبعا انا مش هاقولك اترضاه لامك اترضاه لاختك..لاني متوقع انك تقول لي ايوه ارضاه


طبعا سيادتك شنيت الحرب على الدقون ..طبعا دي برضه بتنم
عن جهل باللغة العربية
لان الدقن هو اللحم اللي على عظمة الفك..انما اللي تقصده اسمه اللحية يا.........
رئيس التحرير.......العربي
وطبعا صورت الملتحين على انهم حرامية وكده..ومخصتش بكلامك الا الملتحين
والعجيب في المسالة ان الكلام ده بالظبط في مدونتك قصاد
صورة افرجوا عن كريم عامر اللي سب الدين والنبي والصحابة وانكر الاله وكفر بالله
...طبعا لا عجب في هذا فالطيور على اشكالها تقع اسال الله ان يحشر كل من يدافع عن
كريم عامر معه
انت مش خايف ان ببساطة شريان بسيط يتسد في راسك تموت في
ثانية او جلطة قد الحمصة تقف في الشريان التاجي تموت بيها..ساعتها هتقول ايه لربنا
يا ....يا وائل؟؟؟!!


طبعا انت عجبك منظر الدعارة اوي ..واتمنيت وحبيت انه يبقى في مصر زيه طب اسمع دي يا
جميل :
(إن الذين يحبون أن تشيع الفاحشة في الذين ءامنوا لهم عذاب أليم في الدنيا والآخرة)
سورة النور
يعني سيادتك حابب الفاحشة تشيع في مصر ولا ايه؟؟؟؟
يا مسلم يا ملتزم يا مستنير ياللي بتهاجم السلفية....اللي بتدعو للاخلاق
طبعا بقى سيادتك استعرضت الصور واولها كانت ان الفاظ اسلامية وجمبها ايكونات
نصرانية
طبعا دي لا تعليق عليها –لان من له ادني نخوة او حب لدينه- كان على الاقل هيعلق على
الصورة بخزنه او بغضبه او أي امر من الامور لان الاسلام والكفر لا يجتمعان ..وعلى
فكرة ما اسمهمشي المسيحيين ..اسمهم النصارى ..لان ربنا –سببحانه
وتعالى- سماهم النصارى..وانا طبعا مش هسيب التسمية اللي ربي اطلقها عليهم واخد
بالتسمية اللي كثير من الجهلة بيقولوها
وطبعا سيادتك بتقول تحت صورة مرسوم عليها المسيح وامه مريم عليهما السلام
( أيقونات مسيحية تمثل إما العائلة المقدسة أو الأباطرة
البيزنطيين القدماء)
يا رئيس التحرير..دي الصور اللي النصارى بيقولوا انها صور رب السماوات
والارض ودي صور ام ربنا واللي على حجر الست ده ربنا-رب السماوات والارض-
تعالى الله عما يقولون علوا كبيرا
فطالما انك مش عارف الصور ليه بتجيبها لنا؟؟؟ وليه بتخمن
تخمينات وانت في وسط مجتمع من المتعلمين والمثقفين؟؟؟!!!

طبعا سيادتك مفتاكشي انك تدخل خمارة هناك وكاتب عليها (في
أحد حانات إسطنبول والعياذ بالله)
طب انت دخلت وخلاص
بستعيذ من ايه بقى؟؟
وبعدين يا اخي بدل ما تستر حالك بعد دخولك مكان زي ده ..جاي تفرحنا بالبلوة دي؟؟؟
وبتجاهر كمان بالمعصية؟؟
قال النبي الكريم -صلى الله عليه وسلم- : (كل أمتي
معافون إلا المجاهرون) خاف على نفسك يا رئيس التحرير
وطبعا انت معجب جدا بالجروب اللبناني وانه كان الذ شئ..طبعا لا حرج عليك لانك من
شوية حبيت مناظر الدعارة العلنية فمش مشكلة يعني هتيجي على دي؟؟؟
وكمان مفاتشي سيادتك انك تعلق كمان على الكوندم والمفروض
انك تقفل بقك متتكلمشي عن حاجة زي كده...كمان جاي توصف لنا الحال هناك ؟؟ من ان
القوادين هناك ومحترفي الزناة وسماسرة الدعارة؟؟
يا ترى كلامك ده هيفيد دين الاسلام في شئ؟؟
لما ربنايسالك يوم القيامة انت كتبت الكلام ده ليه؟؟
يا ترى عندك اجابة على السؤال؟؟؟
يا ترى يا وائل عباس هو ده الوعي المصري اللي انت شايفه؟؟
وعي الزنا والبارات والخمر والدعارة؟؟؟
أعوذ بالله
اللهم اني اعوذ بك من الزنا والخنا والمعازف والخمور

وبعدين انا تعبت من الكتابة ..لكن مش مشكلة..
اذا كان هناك دعاة للضلال والفجور والانحلال فاننا نسخر اقلامنا لمحاربتهم والجزاء
عند الله
اللهم اني اكتب هذا المقال لاحذر من وائل عباس ومن حطره على الدين فتقبل مني
اللهم انه يتمنى ان تشيع الفاحشة في بلاد مصر...اللهم فاهداه يا رب العالمين ..اللهم
وان لم ترد له هداية فعجل بالقضاء عليه وامته شر ميتة حتى يكون عبرة لدعاة الفجور
والانحلال

وبعد اخواني واخواتي الخص ردي على
وائل عباس في عشر نقاط :

1) وائل عباس ضعيف..بل ضعيف جدا جدا في قواعد اللغة
العربية بل وفي اطلاق العبارات على اعيان في اللغة العربية...واخطاءه النحوية كثيرة
2)من الواضح ان وائل عباس يسير على خطى قاسم امين –داعية
التحرر عليه من الله ما يستحق- وعلى درب الليبراليين –الداعين الى التحلل من كل
مذهب وقومية-
3) لا فرق بين مدونة وائل عباس ومدونة علاء
ومنال..فالاولى تدعو الى الانحلال بصورة تنطلي على بعض القراء ..اما الأخرى فانها
تتحدث بالفاظ علنية فاحشة وقبيحة..تدعو ضمنا الى الدعارة
4) وائل عباس وصف نفسه برئيس
تحرير لجريدة هو وحده الذي يكتب فيها ..فيا ترى هو رئيس تحرير
على نفسه فقط ولا علينا؟؟
5)كلام وائل عباس في كلامه عن الدين وعن الدولة
الاسلامية كلام متناقض بالكلية فهو مع السعودية وفي نفس الوقت عليها..طيب اذا
اخبرتك بان عقيدة طالبان سلفية فماذا ستقول يا وائل؟؟؟مع انك ابديت اعجابا بطالبان
وجعلتها مثالا للدولة الاسلامية
6) في كلام وائل عباس ما ينبئ عن انه لم يقرا أي شئ لا
عن الوهابية ولا عن السلفية وهذا طبعا عيب كبير جدا جدا ..فالذي يتكلم بجهل ...يجب
على من عنده علم القام الحجر له
7) وائل عباس يخلط السم بالعسل ذلك لانه يهاجم امورا في
الدين..تعتبر شعارا له فيتكلم عن الملتحين على انهم لصوص
وماتأ كله من عندهم قد يسبب لك التسمم ...وكان الملتحين
هم البلاء الاكبر.. طبعا هذا كذب...ومن الواضح ان مسلسلات مازنجر وشرلوك هولمز
وافلام الارهابي والارهاب والكباب وبقية الاعلام الفاشل الموجه قد اثر تاثيرا كبيرا
في منطقة التفكير في مخ وائل عباس...
8)وائل عباس يا ترى الاسلام بيبح للمراة السفر بدون محرم؟؟
يعني الانسة بتاعت حزب الغد اللي متصورة جمبك وكانك جوزها –ايزي –
والاخرى-الكتاتيني- هل دول مسلمين كما يجب؟؟؟
قال رسول الله –ص- (لا تسافر المراة مسيرة يوم ليلة الا ومعها ذي محرم) او هو كما
قال –ص- فيا ترى البنات دي كان معاهم محرم؟؟ ويا ترى اخوها او ابوها عرف انها
مسافرة ؟؟
ولو عرف وسابها تسافر لوحدها او تتصور معاك..ده اسمه ايه في الاسلام عارف؟؟؟ اسمه
دياثة...
طبعا مفيش نخوة ولا دم عند اللي يترك اخته او زوجته او مراته
تسافر لوحده وتتصور مع راجل غريب..خصوصا اذا كان الراجل ده من مرتادي الحانات ومن
الداعين الى الانحلال

9-وائل عباس سؤال واحد اسالهولك بعد طعنك في السلفية
أين الله يا وائل عباس؟؟
هل الله فوق السماء ام في السماء ام في كل مكان؟؟؟؟ طبعا سيادتك متعرفشي..وبرضه مش
هقولك.....ياريت قبل ما تهاجم أي حد تعرف تجاوب على
السؤال البسيط ده
10- مين اللي دفع لسيادتك مصاريف السفر وتذكرة الطيارة والرحلة والاقامة في الفندق؟؟؟
هل هي جهات عايزاك تؤدي مهمة معينة في هدم حاجات معينة من الدين؟؟؟؟ ولا انت غني
اصلا؟؟؟ انا بسال بس ...!!!!
بالطبع انا معرفشي الموضوعات في مدونتك بتتنشر عل طول ولا لازم موافقة ..فلذلكم انا
هنتظر يوم كامل..وبعدين اذا ما اتنشرتش هقوم بنشرها في مدونتي وفي ملتقى المدونين
العرب
سبحانك اللهم وبحمدك اشهد ان لا اله الا انت استغفرك واتوب اليك


كان هذا نص ما ارسلته لوائل .. ويبدو انه
لم يعجبه الكلم ..لان مدونته متنجسة بالسب العلني ..سب الامهات والكذب واتهام
الدعوة السلفية و......


اخواني... لا يصح في هذا المقام ان نقول
-سيبك منه متردش عليه


لا يصح ان نقول في هذا
الموقف الكلاب تنبح والقافلة تسير


ولكن ما يقال هنا هو ...(إذا كان عدوك
نملة ...فلا تنم له)


وبعد هذا العرض ..اقترح على وائل عباس-حتى يرضي اسياده الذين يدفعونه لمثل هذا
اقترح عليه ان يغير اسم مدونته من (الواعي المصري)


إلى (الأنوك المصري) أو (الغاوي المصري) الغاوي من الغواية..وهو من عرف الحق وتركه


والله المستعان
نهاية..من استطاع ان يعطي لوائل عباس ربط مدونتي فليفعل


وان شاء الله..انا له بالمرصاد في موضوعاته التي سيتحدث فيها او ينبت ببنت شفه عن دين الاسلام


قال رجل لسفيان الثوري -رحمه الله- : (يا سفيان وضع الوضاعون على رسول الله -صلى الله عليه وسلم- اربعون الفا او اربعة عشر الف -انا مش فاكر بالظبط- حديث فما الحل) ؟؟


قال له سفيان : تعيش لها الجهابذة


اللهم اني قد حملت سلاحي ومشهره في وجه كل من يحارب دينك فقوني عليه


وان شاء الله لي متاباعت لموضوعاتك يا وائل..ان اردت ان تتكلم في السياسة فهي لك..لعبة قذرة وانا لا اجيد اللعب فيها..اما ان تلعب بالدين ايضا...فسيقف لك من لا يخطر لك على بال


و


إلى ديانِ يومِ الدينِ نمضي...وعند الله تجتمعُ الخصومُ

هناك ٩ تعليقات:

khaled يقول...

ايه يا عم البوست الطويل ده؟
انا قلت اعلق و بعدين اقرا
ههههههه
جزاك الله خيرا
الناس دول زودوها قوى هم و امثالهم من الجهلة زى بتوع التهييس
و انا قريت الموضوع اللى عامله بتاع تركيا
منتهى الجهل
مبهور بناس ضيعوا الخلافة و الدين

BinO يقول...

أنا فيه حاجتين عايز اقولهم
أنا ماعنديش تعليق علي كلامك غير انه واضح ان احنا زي بعض
روح علي مدونتي دلوقتي حلاً حتلاقي الرد جاهز من كام يوم بس أنت سبقتني
سبحان الله
:)

تاني حاجة مبروك علي تغيير اسم المدونة
:)

عصفور المدينة يقول...

د خالد العزيز
عادة أكتب يوم الخميس ولكن هذا الخميس انشغلت فكنت كاتب تدوينة بعنوانك ولا يستخفنك الذين لا يوقنون كتبت سطرين ولم أكمل وسأكملها ان شاء الله
وكان أولها
"فضاء الانترنت والفضائيات والجرائد خضراء وصفراء والمجلات والشارع ورفاق التاكسي والميكروباص يضغطون علي وعليك ويكررون نفس الأفكار والشبهات والشهوات"
الفكرة التي أريد أن أثبتها من خلال البوست المزمع هي أني ما اعملش زي ما انت عملت في هذه التدوينة واني اصبر نفسي

عصفور المدينة يقول...

يا دكتور
رجاء لا تفعل لا تقف له بالمرصاد مالوش لازمة
اقرا هذه رجاء
http://ctybrd.blogspot.com/2007/03/blog-post_25.html

Dr.khaled يقول...

حياكم الله


اخي الكريم الاستاذ خالد..مشكور على المرور
انت قرات موضوع بعد التعليق ..ودي ظاهرة صحية برضه..متخفشي يعني
اما عن انه منتهى الجهل..فصدقت

استاذ بينو ...ابو عيون جميلة...

الارواح جنود مجندة...
انا غيرت اسم مدونتي لما لاقيتك كاتبها كدة عندك :)
استاذي / عصفور المدينة.... قد رددت على موضوعك الطيب في البوست بتاعك

والسلام عليكم

Islamist Bloke يقول...

مش قادر ازود عن كلمة

جزاك الله عنا وعن الاسلام خيرا

ربنا يبارك فى كل اللى بيردوا على الخراف الضالة دي فى زمن ماتت فيه الضمائر وخرست فيه الألسن و تناست فيه المؤسسة الدينية الرسمية دورها و أصبحت تابعا للسلطان

جزاك الله خيرا يا أستاذى

Aml Ghonaim يقول...

موضوع بهذه الروعة ؛ وهذا الفهم يستحق أن يقرأ بوعى ...
لافض فوك ياخالد؛
أكثر كلمة أعجبتنى هنا ( يارب كل اللى يدافع عن كريم عامر احشره معاه) أعتقد كفاية كده عليهم ...
ردك بمنتهى الواقعية ؛ والصدق؛ والاخلاص
أسأل الله أن لايحرمك أجره ؛ وأن يكتبه فى موازين حسناتك
* تعليق صغير جداا : أفضل أن تقرأ كتب أكثر عن قاسم أمين ؛ أو أن تقرأ له
كتاب (الأعمال الكاملة لقاسم أمين ) لد. محمد عمارة
سيفيدك جدااا
بارك الله لك....

يا قلبي يا غريب يقول...

السلام عليكم
بااارك الله فيك جزاكم الله خيرا يا خي

Monzer يقول...

أنا عاوز أوطى على ايديك الاتنين ورجليك وأبوسهم
بجد والله العظيم
الى اسمه وائل كان محتاج شخص زي حضرتك كده ترد عليه
ونعم الرد العلمى العاقل الفهام والواعى والموضوعى
مش عارف أقولك لحضرتك ايه
بس بجد بجد بجد بحب فى الله
وياريت ويشرفنى بل وأرجوا انى أكون صديقك
ejymejy@yahoo.com
www.hapasa.blogspot.com
أنتظر من حضرتك انك تضيفنى
وجزاك الله عنا كل خير