الثلاثاء، ١٢ يونيو ٢٠٠٧

أنا والهــاكر...والسيبرات



السلام عليكم ورحمة الله

===============

اليوم ..وبعد مرور ما يقارب 40 يوما عن غياب جهازي العزيز عني ...

عاد لي :)

المهم..في الحقيقة كانت ايام غريبة جدا

حقيقة الكمبيوتر جهاز مهم جدا في حياة المسلم...لكنه يقدر يعيش من غيره ويبدع من غيره

الفترة اللي زادت عن الشهر قليلا ...اتعلمت فيها امور جديدة


واتعلمت الادب في حاجات تانية

:) منها..اني ما اددخلشي سيبرات تاني


الحقيقة لما تكتب موضوع في بيتك غير لما تكتبه في مركز انترنت او من عند جارك او تدخل من عند واحد صاحبك

وحكاية التشر دي في الكافيهات..مشكلة تؤرق الشباب من الجنسين والحل ليها كريم 14

:)


كنت بادخل من اماكن متفرقة..مرة من عند دكتور طارق جاي..ومرة من السيبر اللي في منطقتنا ومرة تانية من عند زمايلي ومرة من عند قرايبي وهكذا دواليك

وبرضه كنت باتابع مدونات احمد الحسيني اخته الاستاذة ايمان وعصفور المدينة وبينو والاخت اماني والاخت رفقة عمر

اهل الجنة بتاعت المهندس مسلم

من على الموبيل

وحاجة تعل..لكن الحمد لله على كل حال

لكن الغريب في المسألة ...

أني تعرضت وبشدة لهجمات متتالية من مجموعة من الهاكرز...

بصراحة مقدرتش احدد لا جنسيتهم ولا حتى منهجهم الكفري

وبصراحة يبدو انهم كانوا متقصديني ..او يعرفوني والله اعلم بالحال

لكن الغريب في الامر ان هجماتهم مكنتش بتظهر ابدا عليا الا لما بادخل من على موقع بلوجر...

يعني لما اكتب موضوع او ارد ...

في ثواني الاي بي يتلقط ويبدأ الشغل

الظاهر ان البلوجر بيوفر خدمة اظهار الاي بي ا انهم هاكر محترفين

طبعا ده ميهمنيش لاني كنت بادخل من اماكن غير بيتنا

وعلى جهازي غالبا باحط برامج انتي فيروس..او باستخدم بروكسي سويتشرش لو حسيت ان فيه حاجة غير طبيعية

بس بصراحة اللي انا استغربت له جدا

انه الهجوم بيبدأ علي في شكل صفحات اباحية تفتح قصريا ومواقع صور عارية وكده

وصفحات تتحرك ومعرفشي اقفلها الا ب الت كنترول ديليت

وحتى بعد اما اعمل ريستارت للجهاز اللي انا قاعد عليه الاقيهم لسه قادرين يجيبوني..بالرغم ان معظم اجهزة السيبرات عليها ديب فريز

وتظهر رسايل في المفكرة (النوت باد) بتفتح لوحدها ويكتب فيها

If u restarted ur cpu again, i will destroy it


death to Wahabism

الموت للوهابية

death to salaf

الموت للسلفيين

liberalism & secularism is the solution

يعني الليبرالية والعلمانية هي الحل

************

أنا باعتقد ان العالم دي ليبراليين خصوصا وانهم بيرسلوا لايميلي رسايل نسأل الله ان يهديهم

أو يأخذهم ويريحنا منهم

لكن الغريب يا جماعة

هو اني الاقي سكرين كابشر من شاشتي وبيبعتهالي علىالديسك توب غصب عني

كانك بتحمل من موقع عادي وتفاجأ بأن الصورة على الجهاز...حتى إنه يأخد صورة من جهازي بالمواقع اللي بتظهر عندي ويرسلها لي


الخلاصة

أنا ان شاء الله هاحاول اراسل موقع البلوجر ده علشان اعرف ايه النظام

وان موضوع الاي بي ده بيجاب ازاي من البلوجر ده

وحاولوا انتوا كمان يا جماعة تنتبهوا للموضوع ده

وربنا المستعان

==============

إن شاء الله-تعالى- نكمل يوم السبت او الاحد القادم وجزى الله الاخوة الذين سألوا عني خير الجزاء

هناك ١٧ تعليقًا:

Dr.khaled يقول...

محدش عايز يعلأ
أما أعلأ أنا
:)

Monzer يقول...

سبحان اله العظيم
بل السام عليهم هم
وحسبى الله ونعم الوكيل
وربناحيميك ويحمىكل مالديك ان شاء الله

Monzer يقول...

آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا

عصفور المدينة يقول...

يا خالد أعتقد أن الموضوع يمكن السيطرة عليه بقليل من إجراءات الأمان
وخاصة على جهازك الخاص
حاول تستغنى عن برامج الشات بقدر الإمكان
وابعد عن مايكروسوفت بقدر الإمكان
لا تستخدم بأي حال من الأحوال برنامج أوت لوك
واستخدم متصفح فايرفوكس
وأيضا تفعيل الفاير وول هام جدا
ويمكنك أن تستخدم نظام تشغيل غير الويندوز
أنا اشغل هذه الأيام
كيوبنتو
وهذه تعليمات عامة وسوف أبحث في هذا الموضوع خاصة إن شاء الله
واعتقد أن هذه الاختراقات لا تعمل إلا بوجود برنامج خادم لها على الجهاز أو من خلال ثغرات في الويندوز
فاحنا بنحاول نقفلها
وأيضا أقترح عليك إنشاء مدونة على وورد بريس
www.wordpress.com
وهو يمنح خدمة استيراد من بلوجر بسهولة
يعني ممكن تستورد وكل كام يوم تجيب الجديد بس
ورائع جدا
وأنا قمت بهذه الخطوة
ووجدت زوارا يزورونني هناك
وايضا هذه إجراءات احتياطية
بص على مدونتي في وورد بريس

šσяšαяαα يقول...

السلااااام عليكممم

على فكرة حكاية الهاكرز دى بجد ربنا يستر علينا منهم

انا ساعات اجى افتح مدونة الاقى رسالة بتقولى نزل عندك ملفات فى الكوكيز وممكن ياخدو رقم الكريدت ومش عارفه اييه

ربنا يستر

وحمدلله على سلامتك

Islamist Bloke يقول...

ربنا يهدي

واحشني

وانا اللى قلت دي امتحانات

اتاريك من نوعيتي...ما بتذاكرش ايام الامتحانات برضة

انا بصيت على احصائيات الاشهر....لقيت ان اكتر بوستات كتبتها فى ايام الامتحانات

والسلام

مهندس مسلم يقول...

???????
اهل الجنة بتاعت المهندس مسلم
???????

اعتقد ان الموضوع ممكن يبقى تحت السيطره بدليل ان في بيتك ما بيحصلش كده وزي ما قال الدطكتور خالد لازم يكون في برنامج على الجهاز اللي بتشتغل منه يسمح للهاكر بفتح الثغرات

المهم مين المهندس مسلم صاحب مدونة اهل الجنه انا مش بقول انه اخد الاسم بتاعي بس لازم تعرفوا ان انا الاصلي ويا ريت رابط المدونه عشان اتعرف عليه

أمــانــى يقول...

حمدلله على الســلامة يا دكتور
بخصوص الفيروسات انا خلاص اتعودت عليهم بيمسح الموضوعات بيوقع الصفحات وبيهنج الجهاز وهلم جر وكمان الايميل بيعمل صدى صوت هههه قصدى الكلام بيرجع تانى وبقيت عيشة عندى
انا قولت مع نفسى اكيد متراقبة براحتهم اللى عايزين ياخدوه من الجهاز ياخدوه
بس حضرتك لازم تشوف حد متخصص ويساعدك فى الموضوع ده
تحياتى لحضرتك

ma 3lina يقول...

عود أحمد .. وجزاك الله خيرا على التنبيه
هو الموضوع بيتكرر على كذا جهاز ولا جهاز واحد فقط

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم يقول...

عود أحمد

المهم الموضوع ده لو حصل علي جهازك
يبقي اول حاجه تعملها انك تجيب
نورتون2006 وتشغله وتعمل به سكان
ده بقي ما بيسيبش اي ملفات سباي او هاكينج ع الجهاز وبيشيل اي سباي وير او فيرس وده عن تجربه بس ماتنساش تعمله لايف اب دات

وان شاء الله خير وابقي طمني عليك

Dr.khaled يقول...

جزاك الله خيرا اخي حباصة

وربنا يفك اسر عمر

واخواننا الاسرى واخواتنا الاسيرات
والله المستعان

عصفور المدينة يقول...

أخي خالد
أدعوك وأدعو الزوار هنا للتعليق عندي في مدونتي على موضوع بعنوان
دعوة

Dr.khaled يقول...

هو يبدو ان الامر زي ما انت قلت يا باشمهندس
بس انا اصلا مليش في البورتات ولا غيره
بس غالبا فعلا الفايروول بتاع الاجهزة اللي كنت باقعد عليها كان بيبقى مقفول
وكل دقيقة يطلع لي رسالة انه فيه خطر عليا وربنا المستعان

انا اساسا مش باستخدم برامج الشات الا قليل جدا يعني الياهو والهوتميل لو اتفتحوا بيبقوا مقفولين في الجمب

مش باستخدمهم الا اذا حد بدأ معايا محادثة ...

ياريت لو تفصل لي موضوع التغلب ع الجماعة دول....لاني دوخت في المنتديات بدون فايدة او حتى ترسل لي رابط يكون عدل :)
معلشي بتقل عليك يا باشمهندس
ان شاء الله هاعمل على وورد بريس ..وشكرا على اقتراحك
=============================

استاذة صرصارةبصراحة انا معنديش كريدت

يعني الهاكر مش هيستنفعوا من ورايا بحاجة
بس واضح انهم يا اما متابعين مدونتي..يا اما متابعين من على منتديات تانية..لان ايه اللي الموت للوهابين وكده
الا اذا كانوا عارفين اني ارهابي متطرف بشدة ومتعصب ع الاخر ومتذمت جدا وانطوائي طحن :)
============================

الله يكرمك يا بوحميد
بس انا مش كاتب الموضوعات ايام الامتحانات ولا حاجة
انا اساسا امتحاناتي في شهر 12 اللي جاي ان شاء الله
بكانورويس بأه وهيصة

انا عندي ايوة امتحانات ع الماشي اليومين اللي فاتوا والحمد لله خلصوا

***************************

حقيقي يا باشمهندس الكلام ده صحيح
لاني زي ما قلت في التدوينة انو احيانا بلاقي علامة التحميل بتبدا لوحدها وتخلص لوحدها :(

مدونة اخونا اهل الجنة اهي

http://ahl-aljanna.blogspot.com/
وهو فعلا مهندس واسمه مسلم :)
تشابه اسماء معلش

***********************

شكرا الاستاذة اماني
وان شاء الله هاشوف حد يساعدني

المشكلة مش مشكلة توقيع وندوز او كده
انما المشكلة في انك تحس انو في حد متابعك
حتى لو مكنتش بتخاف منه
بس برضه الموضوع بيبقى ممل
------------------------------

استاذ ما علينا

بيتكرر باستمرار وعلى اكتر من جهاز

******************************
اخونا حازم اكرمك الله
انا باحس ان الكاسبر افضل
دي وجهات نظر مش اكتر :)

BinO يقول...

السلام عليكم
أخيراً أستاذ خالد رجعت
واله لك وحسة
والحمد لله علي سلامتك
طبعاً قصة الهاكرز ديه مش حتيتي
بس اللي أعرفه أنه زي ما استاذ عصفور قال
لازم يكون هناك سيرفر للهاكر علي جهازك
وكمان برامج الشات خاصة الأم أي أر سي باب مفتوح للهاكر
ربنا يحفظك يا شيخ
وأتمني لك داوام العافية

Ahmed يقول...
أزال المؤلف هذا التعليق.
Ahmed يقول...

الف حمد الله على سلامتك يا دكتور
ومعليشي يا سيدي المؤمن دايما مصاب
على العموم انصحك بمراسلة الموقع
وتشديد الرقابة على جهازك جدا
وحاجة اخيرة
دور على النت على برنامج بيغير الأي بي تلقائيا كل شوية طول ما انت على النت
اعتقد موجود انا شفته بس للماكنتوش
معرفشي في للبي سي ولا لا
عندنا في عالم الماك مقوله مهمه
windows = bugged
mac with windows = viruses for mac
علشان كده لانستخدم الوندوز ابدا
ربنا معاك ويهديهم
تحياتي

طبيب مسلم يقول...

اذيك د خالد أرجو غنك تكون لسه فاكرني
معاك د محمد بركات من مدونة أنا المسلم
بس بجد أنت اتبهدلت
انت كان ممكن لو عندك خبرة بسيطة في الهاكر تعرف آي بيهاتهم ، وبرضه انت كان ممكن تقفل البورتات المفتوحة ، وهم أكيد بينزللك باتشات عالجها بتاعك بس للأسف شكلهم محترفين شوية
حصل خير يا دكتور
http://analmoslim.blogspot.com/
ياريت نتعرف أكتر د خالد
انا عملت شات بوكس في المدونة بتاعتي ياريت تشرفني هناك وادعيلي علشان الامتحانات