يا ترى لو ابنك سألك ربنا فين...؟؟؟ هتقوله ايه ؟؟؟!!!
ربنا في السما..؟؟؟ ولا في كل مكـــان؟؟؟
عمرك سألت نفسك السؤال ده قل كده؟؟
ممكن البعض يعتبره سؤال غريب أو تحصيل حاصل....
بس البلية في إن السواد الأعظم ميعرفشي الاجابة الصحيحة عن السؤال ده
شوف الاجابة هنا ...في....
حديث معاوية بن الحكم السلمي
قال : كانت لي غنم بين أحد والجوانية فيها جارية لي فاطلعتها ذات يوم
فإذا الذئب قد ذهب منها بشاة وأنا رجل من بني آدم فأسفت فصككتها
فأتيت النبي فذكرت ذلك له فعظم ذلك علي
فقلت : يا رسول الله صلى الله عليه وسلم أفلا أعتقها ؟
قال : ( ادعها ) فدعوتها
فقال لها : ( أين الله ) قالت : في السماء
قال : ( من أنا ؟ )
قالت : أنت رسول الله صلى الله عليه وسلم
(قال : ( أعتقها فإنها مؤمنة
===========================
رواه الامام مسلم في صحيحه رقم (537)
وأبو داود في سننه برقم (930,3282)
والنسائي في سننه برقم (1218)
وأحمد في المسند (7893,23818)
===========================
هناك ٥٢ تعليقًا:
السلام عليكم
جزاكم الله خيرا على الموضوع الجميل
ممكن الكبار ما يعرفوش حقيقي أين الله
لكن الأطفال أحسن ناس ممكن يجاوبوا على السؤال دة
الأطفال ما زالوا أقرب ما يكون للفطرة والطهر
أنا جربت السؤال دة مع بنات أخواتي
أعمارهم ما بين 3 سنين و 8 سنين
الأربعة كانت أجابتهم واحد سؤال باللفظ أو الاشارة
الله في السماء
حاولوا تجربوا بأنفسكم مع الأطفال
تحياتي
عندك حق فيه اسئلة كتير سهلة والمفروض تبقى كلنا عارفنها بس للاسف الكتير يجهلها وممكن توقعهم فى اخطاء شرعية كمان من غير ما يدروا
جزالك الله كل خير يا دكتور خالد
تحياتي
دكتور خالد
جزاك الله كل خير علي البوست
الله معلوم بالفطره
والايمان
......
اشكرك علي تنبيهي لذله كتابيه وخطأ دارج في تعليقي السابق
ارجو من الله رحمته وغفرانه دوما
لي ولك ولك المسلمين
تحياتي لك
آآآه المعلومة دي
من صغرنا وإحنا أمي وأبي عمالين يعيدوا فيها ويزيدوا
لو حد قالكم ربنا في كل مكاااان يبقى غلطااان
ربنا في السماااا
طيب إن شاء الله عقبال ما نقولها لولادنا
جزاك الله خيراً
السلام عليكم
جزاك الله خيرآ يا دكتور
وربنا يكرمك يزيدك ياااااااااار امين
الأطفال أكتر ناس عارفين إن ربنا في السماء فعلا ...فيه مقوله دايما بيعلموها لأولاد أختي في الحضانة والمدرسه بتقول "مين فوق: ربنا ومين تحت: أرضنا"
بس عذرا...ايه المشكله اننا نعلمهم إن ربنا معانا برده في كل مكان وشايفنا وقبل ما نعمل أي حاجه لازم نبقى عارفين إنه معانا؟
الاستاذة/فنكشنز
واياكم
حقيقة الاطفال اقرب للفطرة السليم ممن اختلطت فطرتهم بذنوب ومعاصي
خير ان شاء الله
أخونا امام الجيل
مرحبا بك يا اخي في مدونتك
منورنا منذ اول يوم جئتنا فيه
Dear Dr. Khaled,
Good Start!! and have a nice week :)
واياكم حبيبي ابن ناصر
البوست الاخير ليك عن السادات قريته سريعا كده
الله يعينك يا اخي
اهلا بك اخي المجهول
جزاك الله خيرا يا حبيبي
على دفاعك عن الصحابة في مدونتك ضد الجريدة الموبوءة
الحمد لله يا استاذة/خديجة
انك وجدت من يعلمك
فهناك الالاف...بل الملايين من المسلمين
لو سألتهم اين الله
يقولوا : ربنا في كل مكان
ويعيش ويموت على الاعتقاد ده
بل وازيدك...ان فيه بعض من يشار اليهم بالبنان ...يعتقدون هذا الاعتقاد
الباطل
والله المستعان
ولا تنسى والديكي من دعاءك
كما ربياكي صغيرة
واياكم يا اختنا اماني
ونسأل الله القبول والسداد
اخي القارئ...
اهلا وسهلا بك في مدونتك
كلامك ممتاز يا اخي
انا بس في التدوينة دي...حبيت اذكر نفسي واخواني المؤمنين
بان ربنا في الشماء..يعني فوق السماء
اما اننا نعلمهم ان ربنا معانا في كل مكان بعلمه فدا كلام صحيح
وكمان زي ما حضرتك قلت...هيخللي الطفل ينشأ على مراقبة الله -جل وعلا-
فكون ان ربنا معانا في كل مكان بذاته..ده غير صحيح
اما انه معنا في كل مكان بعلمه فهو صحيح
اخوك/خالد
باشمهندس/ محمد
انته قلبت انجليزي ليه؟؟
شكرا ع النجمة
-اللي مش سداسية- :)
اند هاف ا نايس داي
جزاكم الله خيرا
و
asslamo alaykom
ملحوظة مهمة الله فى السماء بمعنى على السماء مما فى قول الله فسيحوا فى الارض ,فالله لا تظله سماء ولا يحجم فالله ليس كمثله شىء ,الرحمن على العرش استوى والله ليس فى كل مكان كما يدعى النصارى هداهم الله
جزاك الله خيرا على البوست الرائع
لا اله الا الله .. محمد رسول الله
واحنا صغيرين كانت معرفتنا ان ربنا فوق
وفوق كانت كنايه عن السما
سبحان الله لو ترك الانسان للفطره لعرف الله
الغريب ان معلومه ان ربنا فى كل مكان لم اسمعها الا اما كبرت
جزاك الله خيرا على المعلومه
الله عليك .. حقيقي حديث رائع ومختصر ومعبر للغاية
أحييك علي نشرة .. وجزاك الله خيرا
الله عليك .. حقيقي حديث رائع ومختصر ومعبر للغاية
أحييك علي نشرة .. وجزاك الله خيرا
جزاك الله كل خير
مقال جميل ومؤثر
تحياتي
فيه ملفات صوتية كان احد اصدقائى جابها لى من مدة وسمعتها كان اسمها اسئلة طفلك المحرجة
كان فيها اسئلة من النوعية دي واغلبها فى العقيدة وبعضها فى شتى مناحي الحياة
وكانت حلقات مسجلة على شكل حياة طبيعية واب وام واطفال والطفل بيسال والاب يجاوب عادي كانه بيت طبيعي و حاطين فيه جهاز تسجيل من غير ما الناس تعرف والكلام طبيعي جدا وضحك الاطفال طبيعي جدا
كان احد الاسئلة اين الله يا ابى
والتانى كيف جئت الى هذه الدنيا
والتالت هى الحيوانات اللى حوالينا دي بتفهم ؟ طيب وهتتحاسب؟
وكان منها برضة حاجات عن الموت والقبر والغيبيات كلها بشكل عام وتبسيط شرحها لكل طفل فى كل مرحلة عمرية وازاى ارتقى بطفلى سنة بعد سنة فى شرح العقيدة الاسلامية لية
بصراحة كانت شرايط روعة
هحاول ادور لك عليها على النت ولو ملقيتهاش هارفعها وابعت لك اللينك
وعلى فكرة شريط ابنك بتاع الشيخ محمد حسين يعقوب اللى انت حاطه-الشريط - على صفحتك انا نزلته وسمعته وبصراحة جمييييييييييييييييييل....تصدقنى لو قلت لك انى بحب الشيخ محمد حسين يعقوب فى شاريطه القديمة اللى متسجلة فى المساجد مع الاخوة اكتر من حلقاته على قناة الناس....اصل دلوئتى بأة بيضحك و بيبتسم عشان الدعوة وكدة....بس انا بحبه لما كان اسلوبه قوى وبيزعق كتير وبيخضنى كدة....انا اصلى من صنف المسمار مش بمشى الا بالضرب على دماغى....وبصراحة انا كل ما احس نفسي عامل حاجة غلط اسمع شريطه...لماذا لما تصلى....عشان اسمع كلمة : انت ما بتصليش ليييييييييييييييييييييية واحس انه هيمسكني من ياقة القميص يرزعني فى الحيطة....عشان كدة حبيت شريطك ده المرة دي
وتعيش يا خالد وتعيش شرايطك الحلوة
هدية منى ليك يا ريس
اسمع شريط العز بن عبد السلام سلطان العلماء للشيخ مسعد أنور
هيعجبك جدا جدا يا خالد وهتدرك ان احنا كلنا كدة ولا نساوى ربع جنيه
وربنا يهدينا اجمعين
بحبك فى الله يا خالد
جزاك الله خيرا أخى خالد على هذا الموضوع المهم وطبعا اللى عنده اولاد زى حالاتى بيحس بالمشكلة دى جدا انه يرد على تساؤلاتهم المتعلقة بالأمور العقيدية أو يجاوبهم قبل مايسألوه زى ماأهل أختنا خديجة عملوا معاها ربنا يغفرلهم ويكرمهم ولما سألونى ليه هو مش فى كل مكان؟ جاوبت زى ماتعلمنا أنه سبحانه وتعالى موجود فى كل مكان بعلمه لكن لو قلنا موجود فى كل مكان هل ينفع يكون موجود فى الخلاء؟ هل ينفع يكون فى قلب الكلب ؟ولا قلب الخنزير؟هما نفسهم بيردوا ويقولوا لأ ماينفعش .
وحاجة تانية عاوزة اقول عليها ان حتى الكبار بيكونوا عارفينه بالفطرة من غير اجابات فى جمل مفيدة بدليل ان اللى بيدعى ربنا تلقائيا بيرفع كفه وبصره لفوق .
وممكن نشوف ناس عوام كتير بيصلوا واول مايقولوا سمع الله لمن حمده يرفعوا وشهم ناحية السما لكن لو سألت حد منهم بكل أسف ممكن يقولك فى كل مكان
ربنا يكرمك وتفكرنا بحاجات زى كده كتير
والله المستعان
السلام عليكم
سؤال جميل كان دايما الغرض منه ان احنانتقى ربنا فى اى مكان احنا فيه وفى اى وضع
زى مثلا حكايه الراجل الفقيه اللى كان بيدرس لمجموعه من الاطفال وكان بيميز واحد عن الاخرين فسألوه انت ليه بتميز الطفل ديه عن الاخرين
قالهم ان حقولكم ليه وراح اعطى لكل واحد فيهم طائر وطلب منهم ان يذبحوه بشرط ان لا يراهم احد فذهبوا جميعا واختار كل منهم مكان لا يراهم فيه احد وذبحوا الطائر جميعا ماعدا هذا الولد وعندما رجع وسأله الشيخ لما لم تذبحه قال ذهبت فى كل مكان ولم اجد مكانا لا يرانى فيه الله
وكذلك قصه المرأه وابنتها اللاتى كان يبعن اللبن وكانت امها تضيف الماء الى اللبن فى حين ان سيدنا عمر بن الخطاب رضى الله عنه كان نهاهم عن الغش فذكرت البنت امها بذالك فقالت لها ان عمر لا يرانا فردت البنت وان كان عمر لا يرانا فان الله يرانا
جزاك الله عنا خير
اللهم انى اسالك من خير ما سالك به نبيك محمد عليه الصلاه والاسلام
واستعيذ بك من شر ما استعاذ به منك نبيك محمد عليه الصلاه والسلام
جزاك الله خيرا د.خالد
موضوع اين الله موضوع قديم و شائك و ناس كتير ما تعرفش الاجابة ووقعت فيه فرق منحرفة كتير و طلعت فرق الحلولية الذين قالوا ان الله فى كل مكان و يحل فى اي جسد و العياذ بالله و كذلك انحراف الصوفية فى هذه المسألة و الاجابة ابسط من البساطة
كلمة واحدة ايدها الرسول صلى الله عليه و سلم
قريت ان فى الصوفيه بيقولوا ان ربنافى كل مكان ده عندهم مش عندنا
فيه حاجات كتيره اهالينا و احنا بنقولها بسبب التعود مش بنحاول نتاكد منها
ربنا يكرمك
جميل جدا البوست
ربنا يتقبل منك يارب
ونسأل الله أن يوفق الجميع
ادعى لى علشان بامتحن اليومين دول
جزاكم الله خيرا يا استاذ احمد على التوضيح
هذا الكلام صحيح
بارك الله فيك
أما أن الله في كل مكان هي مقولة النصارى
فبصراحة انا معرفشي
إنما أنا اعرف ان دي مقولة الصوفية
هداهم الله
وإياكم اخي الشاب العادي
ومرحبا بك دائما
ودوختنا يا سيدي بالحركات دي :)
صدقت اختنا المحامية
الا ان لي تنبيه بسيط...وهو انه لو ترك الانسان للفطرة لن يعرف الله وحده...
بل لا بد من وحي مع الفطرة....
حتى تقام الحجة على الخلق....
والله المستعان
اهلا وسهلا يا باشمهندس مراكبي
وياريت تاخد بالك تاني
عشان محدش يكلم عن المصريين في امريكا
أستاذنا/صاحب البوابة جزاك الله خيرا يا حبيبي
واهلا وسهلا بك دائما
اهلا ازيك يا احمد
ياعم ارحمني
انا نفسي افهم معنى كلمة islamist bloke
لو حد عنده علم يعرفني
اصلي مش بروفشنال في لغة الانجليز :(
وبصحيح يا اخي
احنا ملناش الا نترزع في الحيطة
اصل اللي زي حالاتنا مش عايزين الناعم ...
دا احنا عايزين واحد زي الشيخ يعقوب
يادبنا ويدينا علق وكلام في العضم
يللا
ربنا يهدينا من غير علق ولا غيره
صحيح
أحبك الذي أحببتنا فيه
كلامك طيب اختنا مناجاة
وبارك الله فيك
صحيح الفطرة التي فطر الله الناس عليها
ترشدهم نلقائيا الى ان الله في السماء-بمعنى فوق السماء- وليس بمعنى داخل السماء
الا ان الفطرة حينما يتدخل فيها علم الكلام والفلسفة والمنطق
يقلب الدنيا
ويأخذ الناس في ألفاظ مبهمة موهمة...
ولف ودوران
والحمد لله على نعمة الاسلام وعلى العقيدة الصافية الصحيحة
التي هي مستمدة من قال الله قال رسول الله
وجزاكم الله خيرا
جزاكم الله خيرا اختنا امة الله
ومبروك على مدونتك
نسال الله ان يجعلها في ميزان حسناتك
ونسأل الله ان يستجيب دعاءك
واياكم يا باشمهندس /خالد
والله لو قعدنا نتكلم عن الفرق اللي ضلت في باب الاسماء والصفات...
هناخد يجي 20 او 30 صفحة لو هنختصر يعني
لكن نذكر انفسنا واخواننا واخواتنا
فقط ب (قال الله...قال رسول الله)
اختنا esmeralda
كلام حضرتك صحيح
ودي فرقة اسمها الحلولية وينتمي اليهم الحلاج
وفي فرقة تانية اسمها الاتحادية
وبيقولوا كلام مشابه...
ودول بينتمي اليهم ابن عربي وابن الفارض
وهؤلاء القوم...كفار..مرتدون عن الاسلام
ويراجع في ذلك كتاب (المنة شرح اعتقاد اهل السنة للشيخ ياسر برهامي...بتصريح من الازهر الشريف)
شكرا لك اختنا /ارابيان جيرل
وجزاك الله خيرا
وشكرا جدا لمروركم الكريم
اخونا/ هو فيه ايه
نسال الله ان يتقبل منا جمييعا
ربنا يعينك ويكرمك
وينصرك على اعدائك
وكلَ المسلمين
والله المستعان
أنا دخلت هنا منذ فترة وأذكر أني تركت رد .. يا ترى أين ذهب ؟؟
على كل
جزاك الله خيرا
جزاك الله خيرا يا الضاكتور خالد
الرسالات هى بالفعل لاقامه الحجه على العباد يوم الحساب اما معرفه الله وان هناك خالق واحد لهذا الكون يصل اليها الانسان بالفطره
إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللّهُ مِنَ السَّمَاء مِن مَّاء فَأَحْيَا بِهِ الأرْضَ بَعْدَ مَوْتِهَا وَبَثَّ فِيهَا مِن كُلِّ دَآبَّةٍ وَتَصْرِيفِ الرِّيَاحِ وَالسَّحَابِ الْمُسَخِّرِ بَيْنَ السَّمَاء وَالأَرْضِ لآيَاتٍ لِّقَوْمٍ يَعْقِلُونَِ
البقرة آيه 164
فأما المفعولات فأنها داله على الافعال والافعال داله على الصفات فأن المفعول يدل على فاعل فعله وذلك يسلتزم وجوده وقدرته ومشيئته وعلمه لاستحاله صدور الفعل الاختيارى من معدوم او موجود لا قدره له ولا حياه ولا علم ولا اراده
ثم مافى المفعولات من التخصيصات المتنوعه داله على اراده الفاعل وان فعله ليس بالطبع بحيث يكون واحدا غير متكرر
ومافيها من المصالح والحكم والغايات المحموده دال على حكمته تعالى
ومافيها من المنافع والاحسان والخير دال على رحمته
ومافيها من البطش والانتقام والعقوبه دال على غضبه
ومافيها من الاكرام والتقريب والعنايه دال على محبته
من : الفوائد
لابن القيّم الجوزيه
واياكم اخي وضاح
لكني لم اقرأ أي رد لك في هذا الموضوع
عل كل حال
الحمد لله على كل حال :)
واياكم يا خلود
انت شعرك ابيض ليه؟؟؟
عجزت بدري؟؟
ولا دي صورة ليك في 2027 برضه؟؟:)
جزاكم الله خيرا اختنا الاستاذة
على هذا النقل الطيب لابن القيم-رحمه الله-
وجعله الله في ميزان حسناتك
Thanks for you work and have a good week
My next work goes to be made in Arab. The heading is: Egipto, the mother of the World.
u r welcomed Mr David, we are waaiting for ur new topic
regards
السلام عليكم ورحمة الله وبركاته
مع كل موضوع تطرح فكره غاية في الاهمية
فجزاك الله خيرا يا دكتور خالد
واياكم د/فضفة
إرسال تعليق