الجمعة، 27 أبريل، 2007

خالد وخالد...تشرد في المدونــات النظيفة

خالد وخالد...تشرد في المدونــات النظيفة


صحيت الصبح..وقلت أدخل كده المدونات...عملت ساين إن..

واستفتحنا بالمدون (إياه) بيشتم فيا...عملت له ديليت

المهم ببص لاقيت

خالد حواديت...قلت له متيجي نتمشى
شوية نشوف حاجة جديدة اصل النهردة انا عالمي أزرق


قالي ماشي...مشينا في الشواريع
.....
بص خالد شاف حاجة كبيرة

قال لي ايه اليافطة الكبيرة دي ؟قلت له دي
لافتات وضاح
انت متعرفوش؟؟ قال لي لأ

..مشيت واحدة من جمبنا بعربية بسرعه

خالد زعق لها وقال لها متفتحي يا بني آدمة انت معندكشي
عيون؟؟


نزلت الحاجة من العربية

طلعت لنا لسانها وقالت انتو امتعرفوش ان انا
ميمو...
قلت
لها : خلاص يا حاجة حقك علينا..قالت طيب.ما علينا

أنا هعرفكوا..شوية ولاقينا ناس كتير بسواطير بيجروا ورانا

ومعاهم أميرة البلطجية شفنا واحد
مجهول قال

هو في إيه؟؟ خالد قاله
انسى....ارحم دماغك

... هبطنا...جدا قلنا نروح على استراحة المحارب لاقينا
صاحب البوابة بيقول لنا

الاستراحة اتقفلت ...لاقينا اخت هناك كده صغيرة عمالة تعمل مناجاة



وأدعية فرحنا وكان معاها الاخت
خديجة.الاخت طعمة

..وواحد عمال يقول نفسي ابقى مسلم بجد..دعينا لهم انهم يكونوا من
أهل الجنة...شدينا


الرحال..
وصلنا ع البحر....وفي وسط المعمعة دي وأثناء الحياة
كنا عايزين

نهرب في أي مكان لو حتى في العمق أهو ممكن نلاقي مكان للحرية ...لاقينا
مهندس مسلم قلت له بصوت عالي يا مراكبي


مردش عليه...خالد قال لي
أنا جعان هنعمل ايه؟

قلت له تعالى نروح عند
أماني بنت الجنوب قال لي


المشوار طويل..وأنا محتاج حد اكلم عنده بينا ع
الدكتورة فضفضة...سمعنا صوت جميل
....خالد قالي انت سمع رنين الصمت


ده؟؟

قلت له بص فوق وانت هتشوف...ده صوت
عصفور المدينة

...خالد قال لي طب بص وراك كده يا خفيف...بصيت لاقيت ورايا الديب...جرينا
بسرعة..لاقينا فارس سلفي..قلنا له احمينا يا فارس رد علينا وقال..هههههه
احنا في زمن
الغباوة



طبعا هبطت من المشوار ده قلت يا واد يا خالد
مش كفاية بقى ؟؟؟ انت من الصبح


حائر في دنيا الله اعمل ساين
اوت وريح بالك.....وقد كان

هناك 61 تعليقًا:

عــلا يقول...

الله الله على الإبداع.. ربنا يكتر من المدونات النظيفة يا رب و يجزيك الخير.

مش كفايه بقى يقول...

السلام عليكم ورحمة
ماشاء الله اخ خالد مش عارف اقول ايه على تلك المدونه غير ان ربنا يجعلها فى ميزان حسناتك ودايما كده عالطول فكر صحيح لمسلم صحيح ان شاء الله
السلام عليكم ورحمة الله

وضـّاح يقول...

السلام عليكم

جميييييييلة جدا جدا جدا

بجد ربنا يكرمك فعلا خيالك ما شاء الله خصب فبعد غرفة العمليات التي كنت تسكنها أخذتنا في جولة في شارع التدوين

ربنا يتقبل منك ويجعلها في ميزان حسناتك

عصفور المدينة يقول...

مش كنت تقول
من اخراجك وانتاجك
بطولة خالد من مصر المأروصة..وخالد حواديت
الموسيقى التصويرية
عصفور المدينة
action
مفروسة في المحروسة

امام الجيل يقول...

ايه الكلام الكبير ده كله كده مرة واحدة طيب يا دكتور اتعودنا على كلامك الجميل صحيح انى احبك فى الله

algafry يقول...

لااله الا الله

شكرا لتعقيبك في مدونة قائد علي موضوع الحلف فالمؤمنون نصحه والمنافقون غششه والمؤمن رجاع

وتعقيبك اعطاني فرصه للدخول عندك

في مدونتك الجميله بعيدا عن سخام المدونين المكبوتين

تحياتي ورجاء مضاعفة الجهد

khaled يقول...

انا بعتلك اميل
هو ما وصلكش و الا ايه
باين كده
و بعدين فين اجرة الحلقة اللى صورتها معاك دى
:)
يا سلام نجمع بعض كده و نعمل رابطة للمدونين اصحاب المدونات النظيفة و الهادفة

أميرة البلطجية يقول...

هااااااااااااااه
اسمي مكتووووووووووب
ههههه
بس متخافش..السواطير دي مكانتش طلعالك
ههههه
جزاك الله خير يا خالد

shabfa2re يقول...

فكرة تحفة بتاعة المدونات النظيفة دى

Memo يقول...

البوست مميز واسجل احترامي وتقديري لتمكنك من جمع هذا الكم من المدونات في قصه اكتر من رائعه عن سيدتك

انت انسان جميل واهدافك نبيله
ربنا يبراكلك ويسعدك

عالمى ازرق يقول...

جزاك الله خيرا على مساهمتك فى مدونات نظيفه
دمت بخير

mohandat يقول...

السلام عليكم
دكتور خالد
انا بعتلك ايميل
هل وصلك ولا لا
السلام عليكم

خمسة فضفضة يقول...

السلام عليكم ورحمة الله وبركاته

جميله اوي يا د/خالد

ماشاء الله خيالك واسع و كفاية انك عرفت تجمع كل العدد ده من المدونات النظيفة

ربنا يزيدهم كمان وكمان يارب

مناجاة يقول...

ربنا يكرمك يارب انك عديت علىّ فى طريقك وأنا بادعى
أنا خدت بالى كويس وخدت بالى من الدعاء الجميل اللى دعيتهولى بس نسيت اقولك ولك مثل ما دعوت لى وأكثر منه أحسن تقول علىّ بخيلة مبادعيش غير لنفسى
جزاك الله خيرا وتقبل منك وجعله فى ميزان حسناتك

أمــانــى يقول...

السلام عليكم
بســم مشاء الله دكتور وكاتب ايه الحلاوة دى ممتاز والله ومجهود طيب ان حضرتك تلف وتاخد مواصلات وكمان تصوير مش تكاليف على حضرتك طيب كنتو وصلتوا ورجعتوك على حسابى
:-D
جــزاك الله خيرآ ووفقك لما يحب ويرضى وربنا يكرمك يااااااارب امـــين

عصفور المدينة يقول...

د خالد انتهز المناسبة لأعلن عن مدونة الأستاذ أمجد شلتوني من المدونات التي أحبها جدا
مدونة أمجد شلتوني

أمجد شلتوني إعلامي وصحفي أردني يعمل في قناة الجزيرة صاحب فكر متميز وهم لمشاكل الأمة اسأل الله أن ينفع به

حائر في دنيا الله يقول...

ههههههه
الله يخليك يارب
والله جولة حلوة وجميلة وربنا يرحمك من الحيرة دي
ويرحمنا ويثبتنا كلنا

وتقبل تحياتي

صاحب البوابــة يقول...

رائع يا خالد

صدقني اعجبتنى الفكرة للغاية

وأرجو ان اكون عند حُسن ظنك دائماً

اشكرك بشدة على اضافتك لإسمي في هذه التدوينة التي تمتلأ بالأفاضل الذين اتشرف بمجرد ورود اسمي معهم في مقال واحد

تحياتي أخي الحبيب

koukawy يقول...

ههههههههههههههههه
فكره حلوه اوي برافو

koukawy يقول...

بس صحيح اشمعني انا مش معاهم ؟؟؟؟؟؟؟؟؟؟؟؟
هعيط و الم عليكوا الناس

الديب يقول...

أضحك الله سنك يا دكتور

الواحد ساعات بيحتاج تدوينة خفيفة كده .. ساعة وساعة
!!

خالد وليس بخالد يقول...

وجزاكم مثله يا استاذة علا

ونسأل الله ان يستجيب دعاءك

خالد وليس بخالد يقول...

ولك بمثل اخي مش
انا بحبك في الله
وبحب المش كمان :)

نسأل الله ان يجعلنا خيرا مما يظنون

خالد وليس بخالد يقول...

اهلا وسهلا بالوضاح

ولك بمثل يا أخي

خالد وليس بخالد يقول...

باشمهندس محمداه كلامك طيب
ونسيت
تلحين الاستاذ عصفور المدينة :)
بس مش الحان موسيقى
انما مؤثرات صوتية

خالد وليس بخالد يقول...

اخي امام الجيل
احبنا الذي احببتنا من اجله

وترفنا بمرورك ايها الامام

خالد وليس بخالد يقول...

أخي الجعفري
أعجبتني أطروحاتك في مدونتك
وانا حاولت التعليق لان لاقيت كلام غريب كده
بيقول لي اعمل ساين ان بحساب تاني وكلام
كده مفهمتوش
انا حاولت حوالي 6 مرات
لكن مفيش فايدة
يللا ربنا المستعان

خالد وليس بخالد يقول...

خالد حواديت البطل

اجرة ايه...مش كفاية انك جوعتني في الفيلم ده
عايز تعمل رابطة؟؟؟

رابطة ..خص ولا رابطة جزر :)

ان شاء الله ربنا يعيننا على الخير

خالد وليس بخالد يقول...

وجزاكم خيار مثله يا استاذة/اميرة
وتقبل الله منا ومنكم

خالد وليس بخالد يقول...

شاب فأري
هيه كده صح ...ولا بتكتبها في البطاقة فقري؟؟
انا علقت على موضوعك الاخير
ومعلشي متزعلشي
يمكن عند ربنا انت احسن منه
محدش يعرف

خالد وليس بخالد يقول...

الاستاذة المفروسة مها ميمو

بتاعت المجستير والضاكتوراة

مش غلط واحدة في مقام حضرتك تنزل من العربية وتزعق لنا وتبعت لنا بلطجية؟؟
عموما...خير ان شاء الله
وجزاكم الله خيرا مثله

خالد وليس بخالد يقول...

الاستاذة/الافوكاتو

وجزاكمك مثله

خالد وليس بخالد يقول...

اخي مهند
الايميل وصل والحمد لله
انا مشغول اوي اليومين دول
بس عملت فيه شوية ولسه هكمله ان شاء الله
ونسالكطم الدعاء

خالد وليس بخالد يقول...

دكتورة/فضفضة
انا جمعت بعض المدونات مش كلهم
فيه مدونات تانية نظيفة انا مقدرتش المها كلها
بس اللي جم في خيالي واللي واثق فيهم واللي متابعهم من فترة او قريت ليهم كذا بوست ..حسيت انهم كويسين -مع اني ممكن اكون مختلف معاهم في امور ما- لكن لا يزال الناس يختلفون
المهم
زي ما قلت لحضرتك
فيه مدونات انا ممعتهاش اما لقلة اطلاعي على كثير منها
واما لاني احيانا اصدم باغنية او موسيقى لما ادخل المدون -اقوم قافلها-
ومكملشي فيها
واما لاني نسيتهم
وربنا يتقبل منا

خالد وليس بخالد يقول...

اختنا/مناجاة
ولك بمثل
ونسأل الله ان يجعل كل ما نكتبه شاهدا لنا لا علينا

خالد وليس بخالد يقول...

الاستاذة/اماني الجنوبية
وجزاك خيرا مثله
وربنا يتقبل
وشكرا على دعاءك
وان شاء الله نشرب جميعا وكل المسلمين من يد المصطفى شربة هنيئة لا نظمأ بعدها أبداً

خالد وليس بخالد يقول...

باشمهندس محمداحسنت -بارك الله فيك-
انا اعرف مدونة الاستاذ امجد
وهو ما شاء الله كاتب طيب
وجزاك الله خيرا على نشرك لمدونته

خالد وليس بخالد يقول...

أخي الحائر...
هي جولة حلوة فعلا
لكن انا كعابي باظت من اللف

نسأل الله ان يشفي امراض قلوبنا جميعا

خالد وليس بخالد يقول...

اخونا صاحب البوابة

اكرمك الله
انت اخ طيب-نحسبك والله حسيبك-

اهي فكرة جديدة نحاول بها الترفيه قليلا

خالد وليس بخالد يقول...

استاذة/كوكاوي

معذرة انا لم اطلع على مدونتك من قبل
او بادق
لم ارها من قبل :(
ليس الا لاني قليل الاطلاع
ان شاء الله
لنا جولات قادمة
مع التدوين النظيف
متقلقيش
ولكيد هنسى برضه احط اسمك :)
على فكرة
انا اسم مدونتي مش محطوط في التدوينة :(
يعني نسيت نفسي انا كمان

خالد وليس بخالد يقول...

ديبو الجميل المفترس
انتا جاي تضحك
ومن شوية كنت بتجري وراانا؟؟

ثانية واحدة اشرب ميه

يااه الحمد لله...الميه دي نعمة عظيمة جدا
تخيل لو مفيش في بيتكم ميه...وانتا عايز تغلس على حد
يا ترى هترش عليه ايه؟؟

فعلا يا اخي
المفروض الواحد يبقى ساعة وساعة
بس الحمد لله الساعتين في الطاعة :)
نسأل الله القبول

Integrated Functions يقول...

السلام عليكم

حلوة الفكرة يا دكتور

لسة هشوف بقية مواضيع المدونة

تحياتي

Islamist Bloke يقول...

انا اسمي مكتوب

مش عارف اقولك اية وبجد مبسوط اوى اوى ان اسمي مكتوب من ضمن المدونات النظيفة بس اسف انى هاغلس عليك شوية واقولك
البوست معجبنيش

اسلوب كتابتك دايما قوى جدا وسلس وبينتقل من نقطة لنقطة بحرفة شديدة وحنكة عالية

بس البوست ده محسيتوش كدة

عموما انا لو كتبت حاجة بمستوى البوست بتاع المرة دي هاقول على نفسي عبقرى
لكن منك انت ننتظر الافضل دائما

عشان كدة بئولك

فى انتظار الافضل

وربنا يبارك فيك ويهدينا ويهديك

شكرا يا خالد

سلام

مجهول يقول...

هههههههههههههههههههه
جزاك الله خيرا خالد
ده انته طلعت كوميدي كمان
ههههههههههه
يعني انا مدونه نظيفه
وحياتك بغسلها بديتول كل يوم
ههههههههههههههه
تحياتي لك يا صديق يا محترم
سلام عليكم

خالد وليس بخالد يقول...

أهلا احمد افندي
مش ناوي تفتح مدونتك المقفولة؟؟

معلش مرة نكتب حاجة تنفع ومرة لا

الواحد تنقصه الكثير من الخبرة في الكتابات
وان شاء الله نتطور

زي جهينة
التطور الطبيعي للحاجة الساقعة
مش الاعلان كان كده برضه؟؟؟
يللا
الله المستعان

خالد وليس بخالد يقول...

وعليكم السلام اخي المجهول

طولت الغياب المرة دي

يللا لعل المانع خير ان شاء الله
لكن اخوك بس حب ينبهك لنقطة بسيطة وهي انه لا يجوز الحلف بحياة حد
او بلفظ اشمل...لا يجوز الحلف بغير الله
يعني مينفعشي نقول (والنبي-وحياتك-وحياة عيالي-ورحمة ابويا والكعبة-...وكده يعني)
لان النبي-ص- قال
الا إن الله ينهاكم أن تحلفوا بآبائكم فمن كان حالفا فليحلف بالله او ليصمت
او هو كما قال-ص- والحديث صحيح
وكفارة الححلف بغير الله..ان يقول لا اله الا الله
المهم
اظن انك متابعتش معانا موضوع المدونات النظيفة في مدونة الدكتولاة فضفضة
موضوع طيب ومفيد ان شاء الله

خالد وليس بخالد يقول...

شكرا لك اختنا الاستاذة/فنكشنز

ومرحبا بك في المدونة

الوافي يقول...

بعد السلام والتحية

التدوينة رائعة والفكرة عبقرية ومبتكرة اخ خالد

عندي تعليق ارجوا ان يتسع له صدرك يا دكتور خالد والى كل من وجد اسمه ولم ينتبه لهذه النقطة

من الجميل طبعا الاشادة والاطراء للتدوين النظيف وانا اعترف انني تعرفت على مدونون جدد من خلال تدوينتك وسعيد بان فكرة التدوين النظيف لها كل هذا الصدى
الملاحظة التي لا اعتقد بانها غابت عنك ولكني اتوقع حسن النية من اخ مسلم ملتزم وهي ان عدم ذكر اسماء {انا لست منها} كانت سباقة وقد اقول انها اول من تجراء واطلق صرخة مدوية ضد الشتامين قد يصنع تفرقة وانقسام داخل حملة التدوين النظيف ويسبب في حساسيات وضغينة داخل النفوس لا مبرر لها وخصوصا ان من تجاهلت وجودهم مع انهم يتفقون معك ومدوناتهم اسلامية دعوية بالدرجة الاولى ولا ادري السبب , فإن كنت تدري بهم واسقطتهم عمدا فتلك مصيبة وان كنت لا تدري فالمصيبةً اعظمُ

كان يعفيك من هذا اللوم ان تذكر انه تشرد في بعض المدونات النظيفة ولا تستخدم صيغة الكل {ال} او ان تذكر في نهاية المقالة ان هذه ليست كل المدونات النظيفة

وللاسف انت ما زلت تخلط بين التدوين النظيف والتدوين المتدين ومع احترامي واعجابي بتدينك ولكن اسقاطك للاخر يذكرني بالتكفيريين ولا اتهمك بانك تنتمي لهذا الفكر ولكنه عتاب اخ مسلم لاخ مسلم

والسلام عليكم ورحمة الله وبركاته

خالد وليس بخالد يقول...

الاخ الوافي بارك الله فيك

:)
ردك قاسي جدا..ويحمل العديد من التهجمات علي

يا استاذ انا في ردي على الاخت كوكي اللي علقت هنا

رديت لما حسيت انها اتضايقت اني مذكرتهاش
واظن الشبب ظهر
يا اخي شبهتني بالتكفيريين والحمد لله انا لست منهم
يا اخي قلت لي بانني ما زلت اخلط بين التدوين النظيف والتدوين المتدين
في الحقيقة انا مش باخلط بينهم

انا في نظري -ويمكن ده غلط عند غيري-
ان المطلوب هو تدوين متدين ونظيف في نفس الوقت
يعني هاقول لحضرتك
انا فيه بعض اللي ذكرت اسماءهم في المدونة....مدوناتهم فيها موسيقى او اناشيد بالموسيق-وده طبعا يخالف التدين-
يبقى فين الخلط اللي انا خلطته؟؟
طبعا انا مش ها دعو لحملة شعبوية ويبقى تدوين نظيف...وخلاص
..
تدوين نظيف يا اخي هي نواة لتدوين ملتزم بالكتاب والسنة
ولا ينافي هذا الالتقاء مع النصارى او غيرهم في الامور التي نتفق فيها...لكن بحسب ضوابط الشريعة

طبعا في مقالي انا لم اذكر كل المدونات النظيفة
ولكن..لو كلفت نسك ووضعت مدونات نظيفة لكان خيرا
أٍوة بما فعل اخونا (عصفور المدينة) لما وضع مدونة الاستاذ امجد شلتوني ..وانا أمنت على كلامه
يعني الامر مش محصور في هذه المدونات
بدليل اخر
انا من اقوى المدونات التي قرأتها هي مدونة الاسلام والعالم اللي بتكشف خقايا التنصير
وهي موجودة عندي في المدونات المفضلة...
لكني مع كده محطيتهاش
يعني اتهامك ليا يا اخي
غير صحيح

على كل
حصل خير
واتمنى تكون وجهة نظري وصلة
والحمد لله على كل حال

khadiga يقول...

إبداع جميل
جزاك الله خيراً

eldoctor يقول...

حلوة جدا

Mohamed A. Ghaffar يقول...

ضحكتنى

mabrakaat يقول...

السلام عليكم ورحمة الله وبركاته
بارك الله فيك اخى فى ذلك الدرس الذى يجب ان يتعلمه الكبار والصغار
اللهم تقبل منك هذا العمل ووفقك للخير دائما
كنت ارسلت اليك تعليق عتابى فى البوست بعنوان اعتذار للأخوه المدونين وكنت انتظر منك رداوهذا نص الرساله
الأخ الحبيب فى الله الضاكتور خالد
لقد قال الامام عمر بن الخطاب رضى الله عنه اذا جاءك احد يشتكى وعينه مفقوءه فانتظر حتى ترى الآخر لربما تكون الأثنتان مفقؤءتين
لقد اتهمت شخصا بالتشدد جدا جدا او بالجهل جدا جدا حتى دون ان تعرفه او ان تعرف الموضوع باجماليه
وهذا عتاب المحب فى الله
نسأل الله العلى القدير ان يلهمنا نور البصيره وان يهدينا لما يحبه ويرضاه

2:52 ص
وهذا للعتاب فى الله لماو جدتك عليه من خير وصلاح
منتظر ردك والذى سيكون جميل مثل أخلاقك
كده ولا ايييييييييييه

خالد وليس بخالد يقول...

واياكم اختنا خديجة

خالد وليس بخالد يقول...

اهلا وسهلا باخينا الدكتور الطيب
نحبك في الله
وبارك الله فيك

خالد وليس بخالد يقول...

ائما مبتسم يا استاذ /محمد

حتى في الصورة
اضحك الله سنك

خالد وليس بخالد يقول...

حبيبي في الله/ mbarakat

نعم انا قرأت تعليقك
ولم ارد عليه
لاني لا اعرف يا اخي عمن تتكلم

اذا كنت انا قد جرحت شخصا بعينه بدون علم..فمن فضلك
سارع باخباري من هو حتى اعتذر اليه -ان كان الامر يستوجب الاعتذار-
وجزاك الله خيرا
اخوك/خالد

ام البنات يقول...

جميله التدوينه
والاجمل رقى الردود من صاحبها
اللهم ارزقنا الصبر والرفق
جزيت خير

رفقة عمر يقول...

السلام عليكم دكتور خالد
معلش انا اسفه بعلق على بوست قديم بس انا بصراحه مش قراته قبل كدة لان طبيعى الواحد بيبدا يقرا المدونات من اول ما يتعرف عليها ومش بيفكر يشوف بقيه البوستات القديمه المهم انا قلت اشوف هى مدونتك هايفه ولا لا طبعا بصراحه اتفجات بكتاباتك الجميله اللى يخسارة فاتتنى وعجبنى جدا جدا طريقه عرضك للمدونات بطريقه لطيفه قوى
نتمنى عودتك قريبا ان شاء الله

semsem111 يقول...

ايه التشرد ده يا ضاكتوور

طالما الموضوع كده
تشرد فى تشرد

فامانة عليك انك تتشرد شويتين فى مدونتى الصغنونة
بما انى مدون لسه بكيسه
وابقى قوللى ايه رايك بعد شوية تشرد

على فكرة
مدونتى تنفع من نوعية
محلات عصير القصب
او العرقسوس
يعنى هتحلى بقك
منتظرك
http://yasemsem.blogspot.com/

العبد الذليل يقول...

يا له من تحليق فى الهواء .. ويا له فى القلب من خواء فهل كان من القلب امر اليدين بالكتابة فيما يقرب من رب السماء .. وكم كان ذلك المجهود فى شغل العقل واليدين بالا شىء ..ز فهلا كانت تلك الكتابت فى محبة الطاعات ..
ام ان حب ظهور النفس امام القراء غلب على ما فى القلب من اخلاص الكتابة لله واصلاح النيات..
يالها من اهات يصيح بها بها القلب حينما يرى تلك الطاقات الغير موجهات
فلو كان هناك من يعلم ويصحح الفهم
لكانت الكتابة غيرها الان..