الأربعاء، 24 يونيو 2009

عطشـــان...اشرب وانت المسئول عن النتيجة

في ظل موجة الحر الشديدة نفقد الكثير من السوائل..ولا نعوضها بالمقابل بشرب
كميات مماثلة من السوائل


لذا ينصح الكثير من الأطباء بشرب كميات كثيرة من جزئ حيوي جدا في الحياة
يتكون من ذرتين هيدروجين وذرة أكسجين

ويسمي جزئ الـــــمــاء

***************
الغريب أن الكثير من الناس يشربون المياه الغازية تعويضا للسوائل
التي يفقدونها
مع أنهم لا يعرفون أن هذه المشروبات الغازية تقوم بحث الكلى على فقد كميات من
السوائل التي تمر من خلالها




المهم أن عدم شرب كميات من هذا السائل المسمى (ماء)

قد يتسبب -غالبا- في ترسيب أملاح بالجهاز البولي ..ابتداءا من الكلى ...وحتى المثانة
يكون نتيجته آلام عند التبول وتكدر في لون البول ..وصبغه باللون الأحمر
كنتيجة للجروح الصغيرة التي تسببها الأملاح...




وقد يصل الأمر إلى مغص كلوي حاد وشديد لا يمكن احتماله...
ما يدفع بالمريض إلى الذهاب فورا إلى قسم الطوارئ بأقرب مكان يقدم
خدمات صحيــة .
أمر آخر وهو أن هذه الأملاح تنموا عليها البكتريا التي تسبب الالتهابات بالمجاري البولية
لذا فكما قلنا أنه يمكن تلاشي كل هذه المشاكل عن طريق شرب كميات كبيرة من السائل المسمى
بالمــــاء

هذا السائل قد تجده في


القلــة



نهـــر النيـــل
زجاجات المياه المعدنية







البحر..




ولا ينصح بشرب ماءه لأنه يحتوي على كميات كبيرة من


الملـــح

*************
الزيــر




الحنفيـــة






الكولدير(صورة مسروقة من الصباغ)




هذا السائل (أي الماء)
كما ذكرنا أنه يتكون من عنصري الأكسجين والهيدروجين...
وهذا هو التركيب العالمي المعروف
*******
ولكـــن في
مصرنا الحبيبة




يتكون الماء من
ذرتين هيدروجين + ذرة أكسجين +كائن حي
ينتمي إلــى
حقيقيات النواة
مملكة الطلائعيات
شعبة الأنبوبيات
فصيلة المتمورات
هذا الكائن وحيد الخلية
له جدار خلوي وفجوة متقبضة
ونواة وأقدام كاذبة





وهذا الكائن الحي -كما ذكرنا- يدخل في تكوين جزئ المياه المصري
رغم المحاولات المستميتة للقضاء عليه
وهو غالبا ما يتسبب في نوبات من النزلات المعوية الحادة
او يمكه اختراق جهاز القولون -في الحالات المزمنة-
ويصل إلى الكبد محدثا به خراج كبدي



وبعد ما ذكرنا من ضرورة شرب المياه بكثرة في فصل الصيف..


فإنه وبهد اكتشاف هذا العنصر الثالث الذي يعيش في المياه العاذبة
المصرية ...
تقول الأبحاث



أن هذا الجزئ الثالث
غير موجود بالمياه المالحة...
وعليه فإن المصري أمامه خيار من اتنين
إما أن يشرب مياه في الصيف كتير(مش كتير أوي يعني)

وإما أن يشرب من البحر...المااااااااااااااااااااالح


دمتم بخيــر




هناك 20 تعليقًا:

على عبدالله يقول...

السلام عليكم

د. خالد
جزاك الله خيرا
هى المشروبات الغازية لها أضرار ؟
والمياه بتاعت القارورة "فى السعودية" تندرج تحتاى نوعية ؟

تحياتى

من أجل التمكين يقول...

جزاكم الله خيرا

و على كدة مياه البحر مضرة ؟؟؟؟

و مين الناس اللي ماسكين عصيان دول ؟؟؟

و لا بلاش احسن

دمتم بخير

-

egyboy يقول...

والله يا دكتور خالد الموضوع يقف على على الثلاث عناصر دول أصل المياه بتاعتنا اندمج فيها كل عناصر الطبيعة متمثلة فى الرواسب الترابية والطين وحاجات تانية كثير ربنا يحفظنا يعنى لو غلينا المياه هنموت البكتريا والطفليات دى طب التراب عايز فلتر وغيرها كتير ....نسب غير مضبوطة ....مياه معدنية غير مطابقة للمواصفات ....أقول ايه

ربنا يحفظ الشعب المصرى ويسعده

دعوة الفردوس يقول...

اه
هو ده اللي يوديك البحر ويرجعك
هتموت من العطش
أو من الأملاح
أو من الكائنات الحية الدقيقه
وأحيانا مش بتبقى دقيقة خااااالص

عصفور المدينة يقول...

طيب كمل جميلك بقى واعمل لنا بوست عن الأميبا
:)

حائر في دنيا الله يقول...

إذن اللي مش عاجبه يا يشرب من مية الحكومة يا يشرب من الترعة...ونتا مجبتش سيرة الترعة في الموضوع

يبقى كدا افضل عطشان لحد ما ترد بقا

لك تحياتي ولك وحشة والله

السلام عليكم

dr aly khamis يقول...

السلام عليكم و رحمة الله و بركاته
دكتورنا العزيز / خالد
و الله ممكن كده يقولوا ان ده من مميزات الميه فى مصر ...نزلة اسهال .. تخسيس و بلاها ادوية تخسيس وو انظمة ريجيم و بعد كده بقى نصدر ميه مصر معبأة للتخسيس ...
و بعدين المياة الغازية فوق انها مش بتشبع فمعظمها تبع المقاطعة ...

بارك الله فيك
تقبل تحياتى

مجداوية يقول...

السلام عليكم

احنا كمحكومين طول عمرنا بنشرب من البحر

وكشعب بنشرب المر والغلب ومن كيعانا

ولهذا فالعيب ليس من الماء لأن الماء هو الللي بيتسمم لما بنشربه ,واحنا اللي مسممين ذرتين غلب وذرة مر = الفرد المصري

:)

يعني قصد حضرتك ان طعم الكلور ده كله وبرضه المية ملوثة ؟!!!

سعدت بالتعرف على مدونتك يا دكتور واسمحلي اضيفها عندي

عاشقة الفردوس يقول...

يتكون الماء من
ذرتين هيدروجين + ذرة أكسجين +كائن حي
: ))

الله المستعان

فشكووول يقول...

د. خالد
السلام عليكم
يعنى يا دكتور مكتوب علينا اننا لازم نشرب من البحر دائما يعنى عايز تقول اذا كان مش عاجبكوا حاجه ممكن تشربوا من البحر واحنا مش عاجبنا حاجات كتير قوى
بلدنا بجلالة قدرها مش عارفه تقضى على الكائن اللى له رجلين كاذبه وغلب حمارها وعشان كدا لازم نشرب من البحر ماهو احنا بنشرب من البحر على طول
تحياتى

mohamed ghalia يقول...

هنشرب من البحر يادكتور حاضر

(أم البنين) يقول...

ربنا يستر
من الأكل
ومن الشرب
ومن الهواء كمان
جزاك الله خيرا

الفقيرة إلى الله أم البنات يقول...

إنا لله وإنا إليه راجعون
وسيصبح قول بسم الله الذى لا يضر مع إسمه شئ فى الأرض ولا فى السماء بنفس عدد الانفاس لعلنا ننج

سبهللة يقول...

البوست كله كوم
واخر صورة كوم تانى
جزاء الله خيرا

hend...hanady يقول...

علشان تعرفوا ان حكومة بلدنا بتحبنا وبتخاف علينا من الحاجات الكتير الوحشة فى الميه غير الكائنات عندكم الكلور الزايد وغيره المهم الناس طول عمرهم لخوفهم الشديد بيخلونا نشرب من البحر حفاظا على الصحة



بس على فكرة المشروبات الغازية مش موضع فقد سوائل بس لا ماخفى كان اعظم فبلاويها امتدت للعظام

كلمات من نور يقول...

يا حلاوة

كده لا ميه ولا اكل ولا سمك ولا طيور ولا بقر وتعيش مصر حرة مستقلة

بجد بوست رائع وكنت حاطلب منك انسخه في مجموعة الصحة بتاعتي

بس مش حانسخه عملا بمبدأ استري على بلادك يا ماما نور علشان المجموعة عالمية

شكرا للمعلومات القيمة

Hapi يقول...

hello... hapi blogging... have a nice day! just visiting here....

Dr Ibrahim يقول...

تمام يا فندم

اتفقت معك منذ زمن فى موضوع المياه

ويجب أن نشرب كميات كبيره من المياه فى

ا لصيف

من هنا

http://mar7om.blogspot.com/2008/06/blog-post_06.html

رفقة عمر يقول...

كل سنه وحضرتك والاسرة بخير
رمضان كريم
اعادة الله علينا وعليكم بالخيرواليمن والبركات
لا تنسونا من صالح دعاءكم

محمد الدخاخنى يقول...

سعدت للغاية لمطالعتي هذه التدوينة..وسعدت أكثر بما اكتسيته من معلومات ونتمني المزيد..
لدي سؤال:المياة المعدنية هل بالفعل تزيد الأملاح فى الجسم؟..

تحياتي
محمد الدخاخني