السبت، 1 سبتمبر 2007

تــــــــــــــــــــاج ش.ك.ع

السلام عليكم
نخرج بأه شوية من اللغة الفصحه ع اللوغة العامية ونفضفض براحتنا
أولا باشكر كل الاخوة والاخوات اللي ردوا ع البوست اللي فات وجزاهم الله خيرا يا رب جميعا
والموضوع محصلشي فيه نصيب يا شباب :) وخيرها ف غيرها
ان شاء الله :)
المهم
*****************
جالنا تاج من واحد ش.ك.ع
اسمه دسوقي
على فكرة ده اسمه الحقيقي...
:) وهو واد جدع جدا ...بس مش أوي
س-اسم مدونتك؟
ج: كلف نفسك وبص فوق ع الشمال هتلاقي الاسم
س- لماذا اخترته ..وماهي نيتك من وراء اختياره؟
ج: ضاكتور: لان دي المهنة ..بس باللغة البلدي
خالد: ده اسم لي..وليس بوصف ...
من : حرف جر
مصر: بلد ي الحبيبة
المأروصة: وصف ليها
وهي فعلا مأروصة...خارجيا وداخليا...فخارجيا من اليهود ومن صليبيي الغرب..
وداخلياً...من المنافقين الخونة..ومن العلمانيين الذين يريدون تنحية الدين تمام..ومن الليبراليين الذين يريدون لنا عيش البهائم نسافد وننام كما هم...ومن القوميين الذين يسيرون تحت لواء لم يأت به محمد-ص-..بل وأسقط حمية الجاهلية...ومن اللصوص الذين يسرقون البلد ليل نهار...ويتظاهرون بالبراءة..ألا لعنة الله على الظالمين...انتهت الخطبة :)
س-هل فكرت في إغلاق مدونتك؟ والسبب؟
لا....والسبب مليكش دعوة
س- صورتك في المدونة ورمزيتها ؟؟
رقبة بني آدم..بدون راس..ولابس بلوزة العمليات..وعليه سماعة...بتمز للوظيفة...
س-لماذا دخلت عالم التدوين من الاساس؟
عشان أربي زباين عشان دي آخر سنة ان شاء الله...وعايزين نربي لنا زبونين تلاتة حلوين أهو نلاقي لنا سبوبة
باستخدام التكنولوجيا الحديسة ...
وبصراحة يا دسوقي انت اللي خلتني ادخله..فجزاك الله خيرا..وحسابنا بعدين
س-جمله قيلت لك فى وصف مدونتك ؟
مش فاكر
س-التعليقات بالنسبه لك ,اهميتها؟
طبعا دي جسر التواصل بيني وبين اخواني واخواتي...وبصراحة انا باستفيد من التعليقات اكثر من افادتي للآخرين بكتابة المواضيع
طبعا ميمنعشي اني اخد شتمتين من المدون سين والمدون صاد..والمدونة عين..بس يللا كله بثوابه ان شاء الله :)
س-احلى بوست كتبته ...ضع اللينك , ثم اذكر لماذا؟
بصراحة كلهم سب زيرو في رأيي
لكن أحسن الوحشين هو بوست
أما ليه...فلأن قلبي كان مليان غضب على الظالمين ...لعنهم الله
س-أفضل بوست قرأته؟ وضع لينكه؟
أي بوست خارج مدونتي
:)
فيه كذا واحد بس مش هكتبهم ....
عشان الضرايب التدوينية
س-أفضل مدونة قرأتها؟
مدونة صاحبي الاستاذ عصفور المدينة....
طبعا انا مش هكتب اللينك بتاعه عشان الكل عارفه...
وكمان مدونة
أخونا عيون (بينو)
والشيخ رضا صمدي
وبصراحة بقه أنا باموت في مدونة الاستاذ محمود القاعود...
لأنه بيتكلم بلساني ..وبيطلع عين زكريا بقلظ ...السفيه...
معلش اصل لساني طويل :)
وبالنسبة للأخوات
أربعة مدونات نحسبهن على خير...وعلى منهج السلف..والله حسيبهم
والاستاذة / اماني بنت الجنوب
والاستاذة/رفقة عمر (العائشة في الاحلام)
وعلى فكرة أتاني من الاخيرتين تاجين..ورديت عليهم كتابة...بس بعد لما بعتت في المرتين الكتابة راحت فدنت همتي من الكتابة مرة تانية
س-أسوأ بوست أسوأ مدون؟
وائل عباس وعلاء ومراته....
وأي بوست يكتبه أحدهم :(
الله يهدينا واياهم..
س- هيحصل ايه لإيميلك لما تموت ؟؟
ج- أهلي هيورثوه...
لو امي عايشة ليها السدس..فرضا...
ولو خلفت ..يبقى لزوجتى الثمن فرضا..والباقي للابن تعصيبا...
.ولو ليه أخت يبقى للذكر مثل حظ الانثيين

س-اديت الباسورد لمين ؟
ج- محدش
س- كانت إيه طبيعة علاقتك بيه؟
ج- تقصد علاقتي بالمدعو (محدش)
؟س- اسمك؟
خالد ..والله خالد
س-المشهور بيه وسط اصحابك؟
ج-برضه خالد
س-شخصيتك نوعها إيه؟
ج- بص بقى..أنا يابني ...طيب جدا..وبابح المزاح مع الاخوة بحدود الشرع..
بس طبعا الهزار الخفيف مينفعنيش..
أنا عنيف ...لكن مع الحق...
سريع الغضب..وده من اهم عيوبي
وسريع الهدوء :)
عيل يعني
انا احب نهزر بقوة :)

س-السفر بالنسبة لك؟
ج- باكرهه
س-وقت فراغك بتعمل فيه إيه؟
ج- أنهي وقت فراغ؟؟
انا فاضي على طول ..تعالى خد حبة فراغ
س-المود بتاعك؟
ج- على طول ضبتي مفتوحة من الضحك والابتسام..
والحمد لله ونسأل الله السلامة والعافية
س-الصفات اللي أخدتها من بابا؟
ج- مليكش دعوة

س-الصفات التي أخدتها من ماما ؟
ج- ملكشين دعوة
س-اكتر ست حاجات بكرهها؟
ج- اليهود..بوش..المنافقين..الكوسة والبامية والثعبان والتمساح
س-اكتر ست حاجات بحبها؟
ج-البيض..المكرونة..الشيخ الحويني والشيخ الالباني والشيخ يعقوب...واللديدة
س- الانترنت بالنسبه لك؟
ج- دي أول واحدة اتجوزتها...لسه تلاتة يعني
س- امرره لمين ؟
ج-لمن ذكرتهم في أفضل المدونين والمدونات
ولازم كلهم يردوا عليه ومفيش حد هيعفي منه

س- اكلتك المفضلة؟
ج-اي حاجة ياعم
انه طعام دون طعام وانها ايام قلائل
الامام احمد واخد بالك :)
س-الشغل بيمثلك ايه؟
ج- انا باحب النوم
ت
سلام عليكم
انا مش هظبط البوست عشان العشاء اذنت
سلام عليكم

هناك 10 تعليقات:

أبرار يقول...

السلام عليكم ورحمه الله وبركاتة
بارك الله فيك أخى فى الله المدونة جميلة أنا متبعاها بقالى فترة ربنا يكرم حضرتك ويجعلها فى ميزان حسناتك
أختك فى الله
أبرار

عصفور المدينة يقول...

ده خناقة ولا تاج ده يا عسل

عصفور المدينة يقول...

بخصوص الخطوبة صحيح ربنا يخلف عليك بس بلاش التصييح ده المرة الجاية عشان فيه قاعدة بتقول داري على شمعتك تبقى كويسة كدة وتمام

جمعاوى روش طحن يقول...

إجابات دبلوماسية جدا

بس فيها شوية

ولا بلاش

أميرة محمد محمد محمد يقول...

دكتور خالد دي اول مره اعلق عندك.مدونتك متميزه وبيعجبني حملاتك علي التنصير وعلي الشيعه.ربنا يكرمك لان موضوع الشيعه ده بيجنني.اجاباتك حاده شويه .وربنا يكرمك باذن الله وتلاقي الزوجه الصالحه اللي تعينك علي امور الدعوه.انا حسيت من كلامك انك لا تتهاون في امور الدين وده رائع وصدقني احنا زيك ولكن من الافضل ان تجادلهم بالتي هي احسن .وربنا يفتح لك ابواب رحمته ويزيدك تثبيتا

Mohamed A. Ghaffar يقول...

ش ك ع

شرقاوى كريم عظيم

ولا انت كنت عاوز تلبخ
ولا كنت عاوز تلبخ

بلاش تلقيح لو سمحت

Islamist Bloke يقول...

احلى حاجة في البوست

انه طعام دون طعام ولباس دون لباس

الامام احمد يا خي؟


والله يا خالد انت سكر............فكرتني بالامام احمد وانا اللى نسيته عشام مقصر ومش بسمع دروس..........من زمان مسمعتش اسمه ووحشني اوى...........وانت دلوئتى فكرتني بيه

جزاك الله خيرا

ولما تروح تخطب تاني..........ابقى قول من قبلها وقوللى وروح اخطب واحدة ليها اخت توأم او اصغر منها بسنة واللا حاجة عشان نتجوز مع بعض في يوم واحد

ربنا يفرجها علينا يا دكتور

والسلام

أمــانــى يقول...

ليه بس يا دكتور
زعلتنى والله
ربـنا يعوضك خــير ياااااااااارب آمـــــــــــــين
وايه التاج ده متاكد حضرتك انه تاج ولا حاجة تانية
أمممممممممممممم
دعـــواتك لأختنا امولا ادعو لها بالثبات وكشف كربها

other_things يقول...

معاك ساعتين فراغ ..بدام بتوزع فيهم
..

رفقة عمر يقول...

كل سنه وحضرتك طيب دكتور خالد
ربنا يعوضك خيرا اللهم امين
بس ياريت تقول بعد كتب الكتاب
علشان برضه العين وحشه
رينا يقدر لك الخير اللهم امين
اولا شكرا انك وضعتنى فى المدونات التى تفضلها جزاك الله خيرا
ثانيا انا والله جاوبت على التاج دة وتقريبا كنت يعته لحضرتك
شكرا ليك كتير
رمضان كريم
ربنا يجعلك من الفائزين فى رمضان
ومن تكتب ليله القدر فى صحائفهم اللهم امين يارب العالمين