سلام عليكم
الظاهر يا اخواني انا اضربت عين تمام -والله اعلم-
يا ترى ايه احاسيسك لما تلاقي الهارد بتاعك
كل اللي عليه اتمسح؟؟
كل الصور
كل القرآن
كل الخطب
كل المقالات
كل المحاضرات
كل الشيتات
كل البرامج
كل حاجة حتى متعلقة بالدراسة
كل الاناشيد الاسلامية
حتى كتاباتك وخواطرك واشعارك
انا عايز اعيط :(
حد معاه منديل؟؟؟
اه..نسيت اقولكم...كمان الكرتون بتاع الصياد العجول اللي كان بيجي على المجد للأطفال
اتمسح هو كمان..مع اني كنت بحبه جدا
حاجة حزينة جدا لما الهارد يتفرمت...وتقسمه من جديد
يللا
الحمد لله اننا لسه مسلمين
هناك ٢٧ تعليقًا:
انا أكلت المقلب ده مرة زمان سنة 96 كنت بأحضر لرسالة الماجستير .. و الهارد ضرب .. وكنت حأعيط ... من يومها وانا باسيف فى مليون مكان .. دلوقت باشيل اول باول على سى دى
كان الله فى عونك
ايه اللي حصل اوعى تكون اشتغلت عليه بعدها أحيان كثيرة يمكن إرجاع الملفات ولكن الخطأ إنك تبدأ تشتغل وتنسخ عليه
انا أستخدم برنامج اسمه
ontrack easy recovery professional
معلش يا دكتور.. قدر الله و ما شاء فعل.. و ان شاء الله بداية جديدة.. مش يمكن لما تبدأ كل حاجة على مية بيضة كده تكون أفضل من اللي قبلها؟
على فكرة انا مش باستعمل مدونتي بتاعة البلوج سبوت.. انا بس مضطرة اعلق بيه في المدونات اللي مش بتقبل تعليقات من انونيمس.. ده مش معناه طبعا اني باعلق بأنونيمس.. انا بس لما باحب ادخل بالوورد بريس بتاعي مش بيرضى. عموما انا متواجدة بصفة دائمة في olaosman.egyblgos.com
شرفونا تجدوا ما يسركم بإذن الله.
آسفة.. عنوان المدونة في حرف غلط olaosman.egyblogs.com
عوضك الله خير منه أخي في الله
الحمد لله علي كل شئ
البقاء لله :(
حصل موقف زي بتاعك ده لواحد صاحبي من قريب
http://aderaa.blogspot.com/2007/02/blog-post.html
بس زي ما قال أستاذ عصفور في طرق انك ممكن ترجع بيها الملفات
قولنا بس ايه اللي حصل بالضبط ؟
الحمد لله اننا لسه مسلمين
ههههههههههه
فيه ايه بس حسستنى ان الاقصى رجع واغتصبوه تانى براحة على نفسك احنا عايزين كويس انك منستش اسم المدونة كنا هانزعل اوى ربنا يكرمك ويعوضك بهارد ومحتويات افضل منه
اعرب مالا تحته خط :(
مسح ماعلى هارد الدكتور خالد وهو الان حزين .
اللهم لا شماته بس اكيد حد دعى عليك لما قولت اعرب للناس واظهرت مواهبهم .
ربنا يعوضك خير انشاء الله .
محمد فوزى
الحمد لله الذي جعل مصيبتك في الهارد الذي ضاع، فما بالك بأمة قد ضاع هاردها من زمان ولا نجد لها هارد عليه أي نظام تشغيل يعيدها للحياة
!!!
السلام عليكو ورحمة الله وبركاته
الله يكون في العون ، انا كمان الهارد بتاعي شكله ها يعملها قريب
ربنا يستر
الســــــــــلام عليكم
ربنا يعوضك يا دكتور الحمدلله جات على قد كده
وربنا يعوضك خير ان شاء الله وحضرتك حاول تعمل حاجة اسمها باكب
دى ليها شركات عالمية وحقفت مكاسب رهيبة ايام برج التجارة العالمى
لان شغلتها حفظ المفات فى حاجات تانية
وحضرتك لازم تعمل بمقولة لا تضع البيض فى سلة واحدة
:-D
ندعوكم لدعوتنا للانتصار للغة
السلام عليكم
انا حاقولك حاجه علشان بس اهون عليك فى مصابك الاليم
بتحس بايه لما تيجى تراجع القران وتلاقى نفسك مهنج وعمال تدخل نهايات الايات فى بعض او تجيب ايه من البقره مكان ايه من الكهف
بيتهيالى الوضع ساعتها بيبقى-هاردر-من دلوقتى
عموما احمد ربنا ان الماوس لسه عايش
فعلا حاجة تزعل
ربنا يخلف عليك خيرا مما ضاع منك
لا حزينه ولا حاجه
قدر الله وما شاء فعل
أعانك الله .. الحمد لله
معلش يادكتور خالد ..
ان شاء الله خييييير ..خير بجد والله
ربنا يعوض عليك
ياريت تشوف مدونتي ..صباح الورد
السلام عليكم
لا اوع تقول كله الا الكرتون بتاع الصياد العجول اللي كان بيجي على المجد للأطفال هههههههههه
على فكره انا مبشفهوش اساسا
بس زى ما انت قولت الحمدلله على نعمه الاسلام وكفى بها نعمه
اللهم احينا مسلمين منتصرين وامتنا مسلمين منتصرين
افضل حاجة للاحتفاظ بالاشياء
انك تعطيها لاصحابك ولما تروح منك ترجع تاخدها تاني
هههههههههههههههههههههه
الأخوة المدونون
تقبل الله عزائكم في الهارد :)
الحمد لله
وجزاك الله خيرا يا استاذة/ammola
على تذكيرك
فعلا الواحد بيحس بضيق شديد لما يدخل الآيات في بعض
والحمد لله على كل حال
اديله حقنة
زمبة و اتفقعت فيا قبل كده
قدر الله وما شاء فعل
انت عارف أن ده شى وارد وأن شاء الله نكون بداية طيبة واللى جى احسن من اللى ... وربنا يوفقك
يا ترى ايه احاسيسك لما تلاقي الهارد بتاعك
كل اللي عليه اتمسح؟؟
--------------------------
كان لازم تحس انك محتاج تروح لمهندس
:P
الدكاترة ماينفعوش ..
وأحب أكمل الفقعة .. كان ممكن تسترجع كل المعلومات حتى لو الهارد اتفرمت .. لكن واضح انك بدأت تنقل عليه داتا جديدة ... يبقى فرصتك راحت
معلش يا دكتور .. ما انت برده اديت حقن لناس كتير .. لازم ينوبك واحدة منهم .. بس واضح انها تقيلة شوية .. ربنا يعوضك يا اخي
:)
أخي .. اني أحبك في الله
دة انذار انك تبطل انترنت و انذار شديد اللهجة بالابتعاد عما هو الكترونى او كهربائى
او يمت بصلة قرابة و لو بالجد السابع للكهرباء
و الله اعلى و اعلم
:)
ربنا يعوضك حيراً اخي الكريم
ماحدش عارف... لعله خير انه باظ في الوقت ده
:)
انا لله وانا اليه راجعون
إرسال تعليق