الاثنين، ٧ مايو ٢٠٠٧

بوست حـــزين...



سلام عليكم

الظاهر يا اخواني انا اضربت عين تمام -والله اعلم-


يا ترى ايه احاسيسك لما تلاقي الهارد بتاعك

كل اللي عليه اتمسح؟؟

كل الصور

كل القرآن

كل الخطب

كل المقالات

كل المحاضرات

كل الشيتات

كل البرامج

كل حاجة حتى متعلقة بالدراسة

كل الاناشيد الاسلامية

حتى كتاباتك وخواطرك واشعارك


انا عايز اعيط :(

حد معاه منديل؟؟؟

اه..نسيت اقولكم...كمان الكرتون بتاع الصياد العجول اللي كان بيجي على المجد للأطفال

اتمسح هو كمان..مع اني كنت بحبه جدا

حاجة حزينة جدا لما الهارد يتفرمت...وتقسمه من جديد

يللا

الحمد لله اننا لسه مسلمين

هناك ٢٨ تعليقًا:

eldoctor يقول...

انا أكلت المقلب ده مرة زمان سنة 96 كنت بأحضر لرسالة الماجستير .. و الهارد ضرب .. وكنت حأعيط ... من يومها وانا باسيف فى مليون مكان .. دلوقت باشيل اول باول على سى دى
كان الله فى عونك

عصفور المدينة يقول...

ايه اللي حصل اوعى تكون اشتغلت عليه بعدها أحيان كثيرة يمكن إرجاع الملفات ولكن الخطأ إنك تبدأ تشتغل وتنسخ عليه
انا أستخدم برنامج اسمه
ontrack easy recovery professional

وشوشات يقول...

معلش يا دكتور.. قدر الله و ما شاء فعل.. و ان شاء الله بداية جديدة.. مش يمكن لما تبدأ كل حاجة على مية بيضة كده تكون أفضل من اللي قبلها؟

على فكرة انا مش باستعمل مدونتي بتاعة البلوج سبوت.. انا بس مضطرة اعلق بيه في المدونات اللي مش بتقبل تعليقات من انونيمس.. ده مش معناه طبعا اني باعلق بأنونيمس.. انا بس لما باحب ادخل بالوورد بريس بتاعي مش بيرضى. عموما انا متواجدة بصفة دائمة في olaosman.egyblgos.com
شرفونا تجدوا ما يسركم بإذن الله.

وشوشات يقول...

آسفة.. عنوان المدونة في حرف غلط olaosman.egyblogs.com

BinO يقول...

عوضك الله خير منه أخي في الله
الحمد لله علي كل شئ

Unknown يقول...

البقاء لله :(

حصل موقف زي بتاعك ده لواحد صاحبي من قريب
http://aderaa.blogspot.com/2007/02/blog-post.html


بس زي ما قال أستاذ عصفور في طرق انك ممكن ترجع بيها الملفات
قولنا بس ايه اللي حصل بالضبط ؟

مسلم يقول...

شر البليه ما يضحك

أنا حصلت معايا قبل كده

ربنا يبدلك خيرا منها

إصبر و احتسب

مشروع انسان يقول...

الحمد لله اننا لسه مسلمين
ههههههههههه
فيه ايه بس حسستنى ان الاقصى رجع واغتصبوه تانى براحة على نفسك احنا عايزين كويس انك منستش اسم المدونة كنا هانزعل اوى ربنا يكرمك ويعوضك بهارد ومحتويات افضل منه

انا من اهوى ومن اهوى انا يقول...

اعرب مالا تحته خط :(

مسح ماعلى هارد الدكتور خالد وهو الان حزين .

اللهم لا شماته بس اكيد حد دعى عليك لما قولت اعرب للناس واظهرت مواهبهم .

ربنا يعوضك خير انشاء الله .

محمد فوزى

حائر في دنيا الله يقول...

الحمد لله الذي جعل مصيبتك في الهارد الذي ضاع، فما بالك بأمة قد ضاع هاردها من زمان ولا نجد لها هارد عليه أي نظام تشغيل يعيدها للحياة

!!!

خمسة فضفضة يقول...

السلام عليكو ورحمة الله وبركاته

الله يكون في العون ، انا كمان الهارد بتاعي شكله ها يعملها قريب
ربنا يستر

أمــانــى يقول...

الســــــــــلام عليكم
ربنا يعوضك يا دكتور الحمدلله جات على قد كده
وربنا يعوضك خير ان شاء الله وحضرتك حاول تعمل حاجة اسمها باكب
دى ليها شركات عالمية وحقفت مكاسب رهيبة ايام برج التجارة العالمى
لان شغلتها حفظ المفات فى حاجات تانية
وحضرتك لازم تعمل بمقولة لا تضع البيض فى سلة واحدة
:-D

الطائر الحزين يقول...

ندعوكم لدعوتنا للانتصار للغة

ammola يقول...

السلام عليكم
انا حاقولك حاجه علشان بس اهون عليك فى مصابك الاليم
بتحس بايه لما تيجى تراجع القران وتلاقى نفسك مهنج وعمال تدخل نهايات الايات فى بعض او تجيب ايه من البقره مكان ايه من الكهف
بيتهيالى الوضع ساعتها بيبقى-هاردر-من دلوقتى
عموما احمد ربنا ان الماوس لسه عايش

Unknown يقول...

فعلا حاجة تزعل
ربنا يخلف عليك خيرا مما ضاع منك

محمد عبد الغفار يقول...

لا حزينه ولا حاجه

قدر الله وما شاء فعل

محمد يقول...

أعانك الله .. الحمد لله

Marwa Friday يقول...

معلش يادكتور خالد ..
ان شاء الله خييييير ..خير بجد والله
ربنا يعوض عليك
ياريت تشوف مدونتي ..صباح الورد

نسرين - أمة الله يقول...

السلام عليكم
لا اوع تقول كله الا الكرتون بتاع الصياد العجول اللي كان بيجي على المجد للأطفال هههههههههه
على فكره انا مبشفهوش اساسا
بس زى ما انت قولت الحمدلله على نعمه الاسلام وكفى بها نعمه
اللهم احينا مسلمين منتصرين وامتنا مسلمين منتصرين

كراكيب عادل يقول...

افضل حاجة للاحتفاظ بالاشياء

انك تعطيها لاصحابك ولما تروح منك ترجع تاخدها تاني

هههههههههههههههههههههه

Dr.khaled يقول...

الأخوة المدونون
تقبل الله عزائكم في الهارد :)

الحمد لله

وجزاك الله خيرا يا استاذة/ammola
على تذكيرك
فعلا الواحد بيحس بضيق شديد لما يدخل الآيات في بعض
والحمد لله على كل حال

khaled يقول...

اديله حقنة

khaled يقول...

زمبة و اتفقعت فيا قبل كده

كرم مسلم يقول...

قدر الله وما شاء فعل
انت عارف أن ده شى وارد وأن شاء الله نكون بداية طيبة واللى جى احسن من اللى ... وربنا يوفقك

الديب يقول...

يا ترى ايه احاسيسك لما تلاقي الهارد بتاعك
كل اللي عليه اتمسح؟؟
--------------------------

كان لازم تحس انك محتاج تروح لمهندس
:P

الدكاترة ماينفعوش ..

وأحب أكمل الفقعة .. كان ممكن تسترجع كل المعلومات حتى لو الهارد اتفرمت .. لكن واضح انك بدأت تنقل عليه داتا جديدة ... يبقى فرصتك راحت

معلش يا دكتور .. ما انت برده اديت حقن لناس كتير .. لازم ينوبك واحدة منهم .. بس واضح انها تقيلة شوية .. ربنا يعوضك يا اخي

:)

أخي .. اني أحبك في الله

Gemyhood يقول...

دة انذار انك تبطل انترنت و انذار شديد اللهجة بالابتعاد عما هو الكترونى او كهربائى

او يمت بصلة قرابة و لو بالجد السابع للكهرباء

و الله اعلى و اعلم

المجاهدة يقول...

:)
ربنا يعوضك حيراً اخي الكريم

ماحدش عارف... لعله خير انه باظ في الوقت ده
:)

HebA يقول...

انا لله وانا اليه راجعون